• Мукапат мубарәк!
  • 18 Маусым, 2018

Үлгилик китапхана

Сабирәм ӘНВӘРОВА, «Уйғур авази» «Китап – билим булиғи, билим – һаят чириғи» демәкчи, китап қайси заманда болмисун, инсан үчүн әң бебаһа ғәзнә болуп һесаплиниду. Чүнки билимниң асаси – китапта. Китапсиз билим йоқ. Һә, билимсиз адәм көзи очуқ кор билән баравәр. Шуңа, һәрқандақ әлниң, милләтниң келәчиги үчүн китап муһим роль ойнайду. Мошу йәрдә Дөләт рәһбири Н.Ә. Назарбаевниң бир сөзини мисалға кәлтүрмәкчимән.«Мән қазақстанлиқларға, болупму яшларға йәнә бир қетим ейтмақчимән: китап оқуңлар! Бүгүнки күндә милләтниң риқабәткә қабиллиғи, униң билим дәриҗисигә бағлиқ. Китап адәмни тәрбийиләйду, аң-сәвийәсини кәңәйтиду», дәп тәкитләйду Милләт Лидери. Китапни – билим мевиси десәк, шу мевилик дәрәқ – китапхана. Һәқиқий байлиқ кани, муқәддәс дәргаһ. Әйнә шундақ ғәзнә ордилирини елимизниң һәрбир тәвәсидин тапқили болиду. Хулләс, Уйғур наһийәсиму шу җүмлидин. Әнди наһийәдики әң чоң, китап мәнбәси бай мәркәзниң наһийәлик китапхана екәнлиги талашсиз. 1948-жили қурулған Уйғур наһийәлик китапханиси өзигә жүкләнгән чоң җавапкәрликниң һөддисидин чиқип, заман тәливигә лайиқ иш елип бармақта. Ушбу китапханиға 2010-жили «КАБИС» (қазақстанлиқ автоматлаштурулған китапхана вә әхбаратлиқ система) программиси киргүзүлгән. 2013-жили болса, китапханиниң икки қәвәтлик йеңи типтики бенаси қәд көтирип, Чонҗа йезисиниң һөснигә һөсүн қошти. Шуниңдин етиварән, оқурмәнлириниң көңлидин чиқип, заман тәливигә лайиқ хизмәт көрситип келиватқан китапхана Аида Турсунованиң рәһбәрлигидә нурғунлиған утуқларни қолға кәлтүрди. Биринчидин, китап мәнбәси билән тәң оқурмәнләр саниму көпәйди. Йәни, 2013-жили 186 800 китап, 16 200 оқурмәни болған китапханиниң һазир 17 100 оқурмәни, 213 500 китап мәнбәси бар. Һәрқачан чоң-кичик үчүн әһмийити жуқури чарә-тәдбирләрни өткүзүп, паалийәтчанлиғи билән көзгә чүшидиған китапхана һәққидә ейтаримиз интайин нурғун. Униң ахирқи бир жилниң ичидә әмәлгә ашурған ишлиринила ейтип өтсәк купайә. Җүмлидин филология пәнлириниң доктори, профессор, «Құрмет» ордениниң саһиби Асылы Осман, СССР хәлиқ артисти, «Қазақстанниң Еңбек ері» Асанәли Әшимов, шундақла Қазақстан Язғучилар иттипақи башқармисиниң сабиқ рәиси, көрнәклик қәләм саһиби Нурлан Оразалинниң 70 яшқа толуши мунасивити билән наһийә даирисидә чоң учришишларни уюштурди. Дөләт рәһбириниң «Келәчәккә нишан: мәнивий йеңилиниш» мақалисиға вә «Бәш иҗтимаий тәшәббус» намлиқ мураҗиитигә бағлиқ көплигән чарә-тәдбирләр өткүзүлди. Мәйрәм күнлирини һесаплимиғанда, Һ.Арзиевниң туғулғининиң 90 жиллиғиға «Еңбегін ел таныған ел ағасы» мавзусида хатирә кәч, жутдаш шаирә вә язғучи П.Тейипованиң иҗадийитигә беғишланған «Шуағын шашқан жылдарым» намлиқ учришиш, әдәбий кәчләр уюштурулди. Китапхана рәһбәрлигиниң бу изгү ишлири мунасип баһалинип, көплигән маддий вә мәнивий соғилар билән тәғдирләнди. Йеқинда мәзкүр китапхана Алмута вилайитиниң һакими Амандық Баталовниң қолидин «Үздік кітапхана» номинацияси бойичә мәхсус диплом билән тәғдирлинип, 100 миң тәңгилик сертификат елишқа муйәссәр болди. Астанада өткән «Рухани қазына» җумһурийәтлик фестивалида ҚҖ Мәдәнийәт министри Арыстанбек Мухамедиулыниң қолидин «Алғыс хат» елишқа муйәссәр болди. Бир күндә наһийәгә қош хошаллиқ әта қилған китапханичиларни наһийә һакими Шөһрәт Нурахунов чоң сәһнидә тәбрикләп, ишиға утуқ тилиди. Хулләс, өз новитидә бизму китапханичиларни ушбу хошаллиғи билән тәбрикләп, уларниң техиму йүксәк пәллиләрдин көрүнүшигә тиләкдашлиқ билдүримиз.

73 рет

көрсетілді

0

пікір
Алдыңғы мақала «Чар бағ» пьесиси баш мукапатқа еришти
Келесі мақала Мукапат мубарәк

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы