- Әхбаратлар еқими
- 21 Маусым, 2018
Алмутидики хәтәрлик кочилар ениқланди
Статистика мәлуматлириға асаслансақ, өткән жили елимиздә 23 миңдин ошуқ йол-транспорт һаликити йүз берип, униңда 3 миңдин ошуқ адәм вапат болған. Әң көп йол апәтлири Алмутида тиркәлгән екән. Өткән он икки айда Алмутида йүз бәргән йол апәтлиридин 5103 адәм зәрдап чәккән, 162 адәм қаза болди. Балиларниң қатнишиши билән 1060 вақиә тиркилип, шуниң ичидә 5 бала дуниядин өткән.Йеқинда Қазақстан Җумһурийити Баш прокуратурисиниң Һоқуқ статистикиси вә мәхсус һесапқа елиш бойичә комитети «Апәтләр хәритисини» түзүп чиқти. Шуниңға мувапиқ Алмутида әң көп йол-транспорт һалакәтлири Жандосов вә Манас кочилириниң қийилишида йүз беридекән. Нәқ мошу һәрдә 9 йол-транспорт һалакити болуп, 10 адәм зәрдап чәккән. Шуниң билән биллә йәрлик полиция вәкиллириниң мәлуматлиричә, Райымбек вә Сүйинбай кочилириниң қийилишиму хәтәрлик һесаплинидекән. Бийил алтә ай ичидә мошу йәрдә 12 вақиә тиркилип, 10 адәм зәрдап чәккән.
Йәнә шу статистика мәлуматлириға асаслансақ, Алмутида жүргүзгүчиләр үчүн хәтәрлик алтә җай ениқланған. Улар – Саин вә Райымбек кочилириниң, Жандосов, Сәтбаев, Манас кочилириниң, Абай вә Саин кочилириниң, Райымбек вә Емцов кочилириниң, Төле би вә Өтеген батыр кочилириниң қийилишишлири.
Баш прокуратура мәлуматлири бойичә, Алмутидики әң хәтәрлик кочилар Әвезов, Бостандық, Алатав, Медев наһийәлиридә орунлашқан.
427 рет
көрсетілді0
пікір