- «Уйғур авазиниң» сәйилгаһи
- 27 Маусым, 2018
Ғалиплар сепидин орун алди
Май ейиниң ахирида Канадиниң Монреаль шәһиридә ментальлиқ арифметика бойичә мәмликәттики өлкиләрара UCMAS мусабиқиси өткүзүлди. Униңға җай-җайлардики мәктәпләрдин әң күчлүк 5300 оқуғучи қатнашти.Шуларниң қатарида өз күчини синиған талантлиқ уйғур пәрзәнтлири – 11 яшлиқ Илтәриш билән 9 яшлиқ Илтәбир Шәмшидинләр (сүрәттә) 8 минутта 150 һесапниң йешимини тепип, ғалиплар сепидин орун алди. Шундақ қилип, илим-пәнниң бу йөнилиши бойичә Квебек өлкисиниң чемпиони аталған Илтәриш – үчинчи орунни, Квебек өлкиси бойичә мусабиқиниң күмүч медаль егиси болған Илтәбир бәшинчи орунни егилиди.
Мусабиқиниң мукапат тапшуруш мәрасимиға милләтпәрвәр уйғур пәрзәнтлири миллий кийимдә келип, хәлқимизниң шан-шөһритини һәшләргә көтәрди.
195 рет
көрсетілді0
пікір