• Иҗтимаий мәсилә
  • 27 Маусым, 2018

Әмгәк стажи һесапқа елиниду

Мәлумки, 1-июльдин тартип барлиқ пенсия бәлгүләш тәртиви өзгириду.Әгәр у мошуниңға қәдәр һәммисигә, әмгәк стажидин қәтъий нәзәр, охшаш миқдарда төлинип кәлгән болса, әнди алдимиздики һәптидин башлап һәрбир пенсионер үчүн айрим, 1998-жилниң 1-январиға қәдәр әмгәк стажи һесапқа елинип бәлгүлиниду. Әмгәк вә аһалини иҗтимаий һимайә қилиш министриниң орунбасари Светлана Жақыпованиң тәкитлишичә, һазир илгири пенсиягә чиққанларға базилиқ пенсия төләмлириниң йеңи миқдарини һесаплаш үчүн 1998-жилниң 1-январиғичә болған пикирдашлиқ системидики стажи һесапқа елиниду. – Мәсилән, әгәр һазир пенсионер пенсия еливатса вә униң 1998-жилғичә болған пикирдашлиқ стажи 20 жилни тәшкил қилса, демәк, базилиқ пенсия төләмлири пикирдашлиқ стажиға охшаш – 20 жил – һесаплиниду. Униңға қошумчә әгәр у 1998-жилдин кейин ишлисә вә пенсия топлаш системисиға қатнишип, пенсия бәдәллирини әвәткән болса, у чағда буму һесапқа елиниду. Мәсилән, у йәнә 15 жил ишлигән болса, стаж 15 жилға көпийиду. Башқичә ейтқанда, 20 жил пикирдашлиқ стаж вә 15 жил пенсия топлаш системисиға қатнашқанлиғи. Шундақ қилип, униң умумий әмгәк стажи 35 жилни тәшкил қилиду вә пенсионер базилиқ пенсия төлиминиң әң көп миқдарини – 28284 тәңгә – елиш һоқуқиға егә болиду. Буниңда вице-министр базилиқ пенсия төлимини һесаплашниң һазирқи миқдардин башлинидиғанлиғини әслитип өтти – бу яшаш минимуминиң 54 пайизи. Әнди әмгәк стажи 10 жил яки униңдин аз болған пенсионерлар үчүн базилиқ пенсия төлими илгәрки дәриҗидә – яшаш минимуминиң 54 пайизи (бу бүгүнки күндә – 15274 тәңгә) қалиду. Амма 10 жилдин жуқури һәрбир жилға 2 пайиздин, йәни 11 жил болса – 56 пайиз, 12 жил болса – 58 пайиз қошулиду.

38 рет

көрсетілді

0

пікір
Алдыңғы мақала Арқа сәп ветерани ярдәмгә муһтаҗ
Келесі мақала Балини мәктәпкә тәйярлаш қанчә туриду?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы