• Әхбаратлар еқими
  • 27 Маусым, 2018

Умумий қәдрийәтләр бирликни мустәһкәмләйду

Қазақстан хәлқи Ассамблеяси “Қазақтану” илмий-ақартиш лайиһисини әмәлгә ашурушни башлиди.Лайиһини әмәлгә ашуруш Бурабай курорт йезисида, қазақ хәлқини бирләштүргән Аблайхан чимәнзарлиғида болуп өткән җәмийәтлик разимәнлик вә умуммиллий бирликни мустәһкәмләш бойичә җумһурийәтлик лекторий даирисидә башланди. – “Қазақтану” илмий-ақартиш лайиһисиниң нәқ мошу йәрдә башлиниватқанлиғи алаһидә рәмзликтур, чүнки мәзкүр лайиһиму “Рухани жаңғыру” программиси даирисидә умумий қәдрийәтләрни мустәһкәмләш үчүн күч-қувәтни бирләштүриду. Дөләт рәһбириниң тәкитлигинидәк, бизниң бирлигимиз қазақ хәлқиниң җипсилаштурғучи роли арқилиқ вуҗутқа келиду, – деди ҚХА Рәисиниң орунбасари – Қазақстан Җумһурийити Президентиниң Мәмурийити Қазақстан хәлқи Ассамблеяси Кативатиниң мудири Леонид Прокопенко. “Қазақтану” лайиһисиниң асасий мәхсити умумий мәдәний код, бирпүтүн қәдрийәтләр вә миллитидин қәтъий нәзәр, мәмликәтниң барлиқ гражданлириниң умуммиллий тарихий аң-сәвийәсини мустәһкәмләштин ибарәт. ҚХА Рәиси орунбасариниң тәкитлишичә, мәзкүр лайиһә һәрбир қазақстанлиқта прагматизм, риқабәткә тақабил туруш, нәтиҗидарлиқ эволюциялик тәрәққият тәрәпдари болуш охшаш сүпәтләрни шәкилләндүрүшкә қаритилған. “Жаңғыру жолы” җумһурийәтлик яшлар һәрикити рәисиниң орунбасари Тимур Жумурбаевниң тәкитлишичә, лайиһә яшлар үчүн алаһидә әһмийәткә егә. Чүнки “Қазақтану” – бай қазақ мәдәнийитини, тарихини вә әнъәнилирини билиш, көчмән хәлиқниң көпәсирлик философиясини чүшиниш. У қазақ хәлқиниң қәдрийәтлирини роһий қобул қилиш арқилиқ яш қазақстанлиқларни җипсилаштурушта чоң роль ойнайду. Лекторий даирисидә “Қазақтану” лайиһиси тонуштурулди вә униң қандақ әмәлгә ашурулидиғанлиғи чүшәндүрүлди. Мәсилән, 2018-жили у достлуқ өйлири, КХАниң регионлардики кафедрилири асасида әмәлгә ашурулиду. Шундақла КХАниң җумһурийәтлик лекторияси вә Қазақстан Җумһурийити Президенти йенидики Дөләт башқуруш академиясиниң милләтләрара вә конфессияләрара мунасивәтләрни үгиниш мәркизи даирисидиму чарә-тәдбирләр көздә тутулди. ҚХАниң мәлуматлири бойичә, лекция-сөһбәтләр, семинар-тренинглар, муназириләр уюштурулиду. Шундақла китапханиларда вә достлуқ өйлиридә қазақ хәлқи тарихиниң ярқин вә хатирилик сәнәлиригә беғишланған “Таза календарь” җумһурийәтлик акцияси уюштурулиду.

58 рет

көрсетілді

0

пікір
Алдыңғы мақала “Қазақтану” лайиһиси әмәлгә ашурулиду
Келесі мақала Латин йезиғини үгинәйли

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы