- «Уйғур авазиниң» сәйилгаһи
- 05 Шілде, 2018
Әтиләр
Һәҗәп шерин туйғуға толған екән әтиләр,
Үмүтләрни нәққаштәк ойған екән әтиләр.
Босуғида бүгүнниң сақлап турар дайима,
Һаятлиққа чеқиндәк җула бәргән әтиләр.
Әһдиләшти қиз-жигит үмүт нури көзидә,
Муһәббәтлик висалға җора екән әтиләр.
Тойға қопти қериндаш, чеһирләрдә шат-күлкә,
Әшу қутлуқ күнләргә ишик ачқан әтиләр.
«Әлләй» атлиқ үмүтни бағашлайду аниҗан,
Сәбиләрни шир кәби қамәт әткән әтиләр.
Ата-ана йоқлашқа яки меһман, сәйлигә
Шәйда қилип көңүлни әрмәк әткән әтиләр.
Баһар кәлсә хушлуқтин, һәрбир җанда бәрналиқ,
Қәлбләргә баһардәк ләззәт бәргән әтиләр.
Қиш айлири ай нури җилвилинәр қарларда,
Ақ либастәк мисали ақ тиләккән әтиләр.
Чүшләрара илтиҗа йәнә шерин һаятқа,
Инсан үчүн бәәйни тумар екән әтиләр.
Кетип қалсақ амал йоқ бу панидин хошлишип,
Қәбриләрни әвлатлар ядлар екән, әтиләр.
Әҗирликләр һәр заман роһийәттә қуяштур,
Нәтиҗини қорғандәк сақлар екән әтиләр.
Җамалидин ҖАЛАЛИДИН.
116 рет
көрсетілді0
пікір