• Әхбаратлар еқими
  • 05 Шілде, 2018

Астананиң 20 жиллиғини мәйрәмләшни башлап бәрди

Дөләт рәһбири Нурсултан Назарбаев Астанада дөләт байриғини көтириш мәрасимиға қатнашти вә пайтәхтниң 20 жиллиғини мәйрәмләшни башлап бәрди.Нурсултан Назарбаев мәрасимға қатнашқучилар алдида сөзгә чиқип, Пайтәхт күни һарписида дөләт байриғини көтиришниң умуммиллий мәйрәмниң жуқури мәртивигә егә екәнлигини билдүридиғанлиғини атап көрсәтти. – Қиммәтлик вәтәндашлар, астаналиқлар, меһманлар. Мән бүгүн һәммимизни сөйүмлүк пайтәхтимиз – Астананиң 20 жиллиғи билән чин қәлбимдин тәбрикләймән. Тарих үчүн бир дәқиқидә, 20 жилда биз бүгүн бир миллион 200 адәм яшаватқан мегаполисни салалидуқ. Мән гәп қиливатқанда, астаналиқларниң сани йәнә бирнәччә адәмгә көпәйгән болушиму мүмкин вә бу бизниң көз алдимизда чапсанла йүз бәрди. Астана бизниң барлиқ достлиримизни һәйран қалдуруватиду, бу барлиқ қазақстанлиқларниң пәхри, шуңлашқа Қазақстан, Мустәқиллик, Астана чүшәнчилири дөләтчилигимизниң, келәчигимизниң бирпүтүн рәмзигә айланди. Биз пайтәхтимизниң 20 жиллиғиға беғишланған чарә-тәдбирләрни башлаш үчүн һава рәң байриғимизниң астиға жиғилдуқ, – деди Президент дөләт байриғини көтириш мәрасимида. Шундақла Дөләт рәһбири алий һәрбий оқуш орунлириниң курсантлириға офицер погонлирини тапшурди. Нурсултан Назарбаев яш офицерларға мураҗиәт қилип, дөләт байриғиға жуқури һөрмәт көрситишниң Вәтәнни сөйүш билән баравәр екәнлигини тәкитлиди. Бу Қазақстан вәтәнпәрвәрлигиниң қәдрийәтлирини вә мәмликәтниң миллий охшашлиғини мустәһкәмләйду. – Бүгүн һәрбий оқуш орунлириниң әң яхши учумкарлири офицер погонлириға егә болуватиду. Мән силәр арқилиқ бийил оқушни тамамлиған мәмликәтниң барлиқ яш офицерлирини тәбрикләймән. Мошу пәйттин тартип силәргә мурәккәп, бирақ шәрәплик вәзипә – бизниң Вәтинимизни, Қазақстан гражданлириниң течлиқ әмгигини вә хатирҗәмлигини қоғдаш вәзиписи жүклиниватиду. Силәр бизниң улуқ әҗдатлиримиз вәсийәт қилип қалдурған мошу муқәддәс қәризни мунасип орунлишиңлар керәк. Силәргә пүткүл һаят йолуңларда “офицер” дегән жуқури унванға садиқ болушни тиләймән, – дәп ақ йол тилиди Дөләт рәһбири. Мәрасим давамида мәмликәт алий һәрбий оқуш орунлирини әла баһаға тамамлиған 12 учумкар Қазақстан Президенти – Қазақстан Җумһурийити Алий Баш команданиниң қолидин Қураллиқ күчләр офицерлириниң погонини алди. Нурсултан Назарбаев мәрасим ахирида қатнашқучиларни Астананиң 20 жиллиғи билән тәбриклиди вә Қазақстан хәлқигә течлиқ һәм гүллиниш тилиди.

60 рет

көрсетілді

0

пікір
Алдыңғы мақала Астана – миллий идея тимсали
Келесі мақала Йеңи аллеяни көздин кәчүрди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы