• «Уйғур авазиниң» сәйилгаһи
• 11 Шілде, 2018

Теҗәмкарлиқ адәтлири

Әҗдатлиримиз қедимдин тартипла исрапчилиқни чәкләп, униң алдини елишта бирқатар қаидиләргә әмәл қилип кәлгән. Төвәндә шуларниң бирнәччисигә тохталмақчимиз.Дан вә нанниң қетип қалған парчилирини адәм дәссимәйдиған йәрләргә елип қоюш яки һайванларға йәм орнида бериш. Тамақни имканқәдәр аилә әзалириниң еһтияҗиға қарап тәйярлаш. Йемәклик һәм һәрхил зираәтләрни дәссимәслик, мевилик дәрәқләрни қоғдаш һәм асраш. Бәтхәшлик қилмай, теҗәмкар аилә башқуруш әндизисини шәкилләндүрүш. Той-төкүнләрдә мәрикә қилғучини лайиғида мубарәкләш. Балиларни һейт-айәмләрдә уруқ - туққан, җамаәтчиликтин чүшкән пуллирини кәлсә-кәлмәс чачмай, жиғип сақлашқа үгитиш уларниң бойида теҗәмкарлиқ, ихтисатчанлиқ пәзиләтләрни йетилдүрүш. Күндилик вә өй ичидә кийидиған бир қур кийимләрни айрим елип қоюп, той-төкүн, мәрикиләргә әтиварлиқ кийимләрни кийип бериш. Меһмандарчилиқни, нәзир-чирақ вә той-төкүнләрни исрапсиз өткүзүш, мусибәт егилирини яки қудиларни артуқ аваригәрчиликкә, чиқимдарлиққа салмаслиқ охшаш мәсилиләргә алаһидә көңүл бөлүш.