• «Уйғур авазиниң» сәйилгаһи
  • 11 Шілде, 2018

Пота бағлаш

Уйғур әрлиридә әзәлдинла белигә пота бағлаш адити моҗут. Хәлқимиздә уни әрләргә хас мәрданилиқ вә чәбдәслик нишани дәп һесаплайду. Адәттә, уйғур әрлириниң потиси һәрхил рәңдики жип яки ипәк рәхтләрдин ишлиниду. Униң узун-қисқилиғи бирдәк болмайду. Тәхминән узунлуғи икки метрдин көпирәк , кәңлиги әллик сантиметр әтрапида болиду . Яш жигитләр көпирәк қизил, йешил яки гүллүк , яшанғанлар қара рәңлик рәхтләрдин пота бағлашни тоғра көриду.Пота бағлаш уйғур әрлириниң ташқи кийим алаһидилиги асасида пәйда болған. Бизгә мәлумки, әрләрниң әнъәнивий кийими асасән узун, тизни йепип туридиған алди очуқ тон шәклидә болуп , униңға түгмә яки изма қадалмайду. Шуңлашқиму мундақ кийимни бәлдин пота билән бағливелиш зөрүрийити туғулиду. Униң үстигә, бу хил тон яки тончә көйнәкниң янчуғи болмайду. Шу сәвәптин, бәзидә пота янчуқниң хизмитиниму атқуриду. Уйғур әрлири дайим белидики потисиға нан яки башқа лазимәтлик нәрсиләрни түгүвалиду. Йәнә бир тәрәптин алғанда , уйғурлар бәлгә соғ өткүзүвелиштин наһайити еһтият қилиду . Пота бағлаш бәлни асрашниң әң яхши чариси болуп , у бәлни соғ тегиштин сақлайду. Шуниң билән биллә бу адәт қосақ селип, келәңсиз сәмирип кетишниңму алдини алиду. Уйғурлар арисида пәқәт узун көйнәк яки тон кийгән кишиләрла әмәс, бәлки калтә чапан яки халта көйнәк кийидиған яшларму пота бағлайду. Уйғурларниң әнъәнивий мәшрәплиридә потиға мунасивәтлик ‹‹Пота ташлаш›› оюниғиму алаһидә етивар берилиду. Тәңритағ уйғурчә тори.

165 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы