• Дидар ғенимәт
  • 11 Шілде, 2018

Қадирахун билән Зайирахунниң әвлади

Бәхтишат СОПИЕВ, «Уйғур авази» Талғир наһийәсиниң Туздыбастав йезисида өткән бу баш қошушқа икки әвлатниң вәкиллири жиғилипту. Улар ака-ука Қадирахун билән Зайирахундин тарқиған балилар. Жиғилғанларниң сани йүзгә йетиду.Техи мәлум сәвәпләргә бола, келәлмигәнләрму бар екән. Бу әвлат һәққидә мәзкүр баш қошушқа риясәтчилик қилған Рәнагүл Ибрагимова қисқичә сөзләп бәрди. Андин дәстиханни Қирғизстандин кәлгән Қадирахун атиниң ялғуз келини, 90 яшлиқ Халбүви ана иллиқ ләвзи билән ачти. Аниниң тиләклиридин кейин Талғир наһийәсиниң баш жигитбеши Октябрь Қурбанниязовму бу әвлат һәққидә билгәнлирини қошумчә қилди. Чүнки бу сулалигә уму ят әмәс екән. Бу әвлатниң бешида Ғоҗинияз бовимиз туриду, – дәп сөзини башлиди у. – У әсли – турпанлиқ. Ғоҗинияз бовимизниң Қурбаннияз, Азахун, Һошурбай, Розиһаҗи вә Тохнияз исимлиқ бәш оғли болған. Билидиғиним, Қурбаннияз Турпандики даңлиқ каризларни селишқа өзиниң бир кишилик үлүшини қошқан. Әнди бүгүн биз гепини қиливатқан Қадирахун билән Зайирахун – Азахун ниң балилири. Буларниң шундақла Айимхан исимлиқ сиңлиси болған. Мән бу йәрдә көпирәк Қадирахун атимизниң әвладини көрүватимән. Униңдин тоққуз оғул, бир қиз болғанлиғиниму яхши билимән. Улар: Турахан, Нуралим, Нур, Турсун, Нәсирдин, Сәдирдин, Үсүпҗан, Турдаш, Хәлип вә Сәвирдин. Яш әвлатқа үлгә болғидәк бу учришишни уюштурғучиларму шулар охшайду. Ейтқан болар едимки, мундақ учришишларниң яшлар үчүн пайдиси наһайити көп. Улар кимлигини, нәдин келип чиққинини унтумаслиғи керәк. Шуңлашқа уюштурғучиларға Нурәхмәт, Яқупҗан, Рашидәм, Хәмит, Асим,Дилбәр Қадировларға вә Әланур Әхмәтоваға, умумән барлиқ қериндашларға миннәтдарлиғимни изһар қилмақчимән. Андин новәт бу икки әвлат вәкиллириниң арисидин чиққан сәнъәткарларға берилди. Улар: ака-ука Рәхмәтҗан вә Пәрһатҗан Давутовлар, һәдә-сиңил Әланур вә Хеличәм Қадировалар, һәм Аблиз Ушамов билән Шерияздан Қадиров. Улар өзлириниң йеқимлиқ нахшилири арқилиқ бир томурдин тарқиған қериндашларниң ичигә техиму «от» селивәтти. Шуңлашқа болса керәк, улар бир-бирини қиймай хошлашти. Талғир наһийәси.

171 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы