• Әхбаратлар еқими
• 19 Шілде, 2018

Материаллар Шәхсий архивтин елинди

Қазақстан Җумһурийитиниң Тунҗа Президенти – Милләт Лидериниң Китапханисида “Дуния етирап қилған Лидер” намлиқ фотогалерея өтүватиду.Экспозиция Дөләт рәһбириниң Шәхсий архивиниң фондлиридин елинған фото вә видеоматериаллар арқилиқ мәмликитимизниң ташқи сәясий алақилири, Қазақстан Җумһурийитиниң хәлиқара мәйдандики муһим вақиәләргә һәм җәриянларға қатнишиши тоғрилиқ һекайә қилиду. Бу йәргә Қазақстанниң дипломатик мунасивәтләр орнитилған мәмликәтләр билән болған алақилирини әкис әттүридиған 200дин ошуқ фотосүрәт қоюлған. Фотогалереяниң асасий мәхсити – җумһурийәтниң ташқи сәясий утуқлири, Дөләт рәһбири Нурсултан Назарбаевниң паалийити арқилиқ униң хәлиқара мәйдандики орни билән ролини көрситидиған фото вә видеоматериалларни кәң һәм изчил намайиш қилиштин ибарәт.