• Әхбаратлар еқими
  • 19 Шілде, 2018

Дөләт рәһбири Павлодар вилайитидә болди

Қазақстан Президенти Нурсултан Назарбаев Павлодар вилайитидә иш бабидики сәпәрдә болди.Сәпәр “Павлодар” әркин ихтисадий зонисини зиярәт қилиштин башланди. Нурсултан Назарбаев “GiessenHaus” ҖЧЙниң территориясидә арилашма алюминий вә қуюлған автомобиль дисклирини чиқиришниң технологиялик җәрияни билән тонушти, әркин ихтисадий зониниң башқа индустриал лайиһилиридин хәвәрдар болди. Шундақла Дөләт рәһбиригә бу йәрдә ишләп чиқирилған мәһсулат – исситиш радиаторлириниң, автомобильларниң запас қисимлириниң, төмүрйол вагонлири чақлириниң үлгилирини көрсәтти. Дөләт рәһбири Павлодар нефть-химия заводида карханиниң технологиялик йеңиланғандин кейинки паалийити билән тонушти. Бу йәрдә Президент ички вә чәтәл базарлириға йәткүзүш үчүн хәлиқара үлгиләргә мас келидиған тәйяр мәһсулатни нурғун чиқириш арқилиқ нефтьни чоңқур қайта ишләшни көпәйтишниң зөрүр екәнлигигә диққәт ағдурди. Андин кейин болуп өткән кеңәшмидә регионниң иҗтимаий-ихтисадий тәрәққияти тоғрилиқ әтраплиқ сөз болди. Нурсултан Назарбаев кеңәшмини ечип, вилайәт рәһбәрлигиниң мәлум ишни әмәлгә ашуруватқанлиғини, иҗабий өзгиришләрниң байқиливатқанлиғини алаһидә қәйт қилди. Президент вилайәтниң санаәт, энергетика, транспорт вә йеза егилиги саһалирида жуқури иқтидарға егә екәнлигини тәкитлиди. Дөләт рәһбири вилайәтниң географиялик җәһәттин қолайлиқ орунлашқанлиғини тилға елип, Павлодар региониниң Россия Федерациясиниң санаәт тәрәққий әткән вилайәтлири билән чегаридаш екәнлигигиму тохталди. Нурсултан Назарбаев инфрақурулумлуқ тәрәққият вә тегишлик объектлар қурулушиға мунасивәтлик Астана вә Павлодарни һазир биринчи класслиқ автобанниң бағлаштуруватқанлиғини, әнди бу икки арилиқни бесип өтүшкә 5-6 саат әмәс, бәлки 3 саат сәрип қилинидиғанлиғини, демәк, вилайәтниң транзит иқтидариниң кәңийиватқанлиғини ейтти. – Мән бүгүн карханиларда болдум, адәмләр билән сөһбәтлишип, уларниң кәйпиятини сәздим. Регион ихтисади тәрәққий етиватиду. Өткән жили өсүш 3,6 пайизни тәшкил қилди. Вилайәт ихтисадида санаәт 50 пайизни дегидәк егиләйду. Бу Қазақстан регионлири арисида жуқури көрсәткүч, – дәп тәкитлиди Дөләт рәһбири. Кеңәшмидә Павлодар вилайитиниң һакими Болат Бакауковниң тәкитлишичә, 2017-жилниң йәкүнлири бойичә, умумий регионал мәһсулатниң көләми дәсләпки қетим 2 триллион тәңгидин ашти. Умумий регионал мәһсулатниң җумһурийәт көләмидики үлүш салмиғи – 4,3 пайиз. Умумий регионал мәһсулат аһалиниң җан бешиға чеқип һесаплиғанда – 2,9 миллион тәңгә, бу оттура җумһурийәтлик дәриҗидин 3 пайиз ошуқ. Өткән жили регион ихтисадиға 484 миллиард тәңгә инвестиция җәлип қилинди (өсүш 4 пайиз). Вилайәт һакими санаәт тәрәққияти тоғрилиқ гәп қилип, өткән йерим жилниң йәкүни бойичә, мошу сектор көләминиң 4,6 пайизға көпәйгәнлиги, карханиларниң технологиялик җәһәттин қайта қураллинип, буниң үчүн 200 миллиард тәңгидин ошуқ мәбләғ әвәтилгәнлиги, Қазақстанда кейинки икки жилда тохтап қалған вагон ясаш компаниясиниң ишләпчиқиришни әслигә кәлтүрүш түпәйли машина ясаш саһасида көрсәткүчниң 1,2 һәссә өскәнлиги тоғрилиқ доклад қилди. Нурсултан Назарбаев Павлодар региониға қилған иш бабидики сәпири даирисидә тонушқан карханилар тоғрилиқ гәп қилип, истиқбални көздә тутуп ишләшниң муһим екәнлигини тәкитлиди. Бу йәрдә сөз йеңи ишләп чиқириш орунлирини ечиш вә ишләватқанларни йеңилаш арқилиқ хамәшия ихтисадидин жирақлишиш тоғрилиқ болуватиду. Кеңәшмидә мәсилиләрниң чоң түркүми регионниң алюминий кластериға беғишланди. – Бүгүн мән алюминий, кабель мәһсулатини чиқиридиған компанияләрниң вә башқа карханиларниң паалийити билән тонуштум. Алюминийдин қурулуш материаллирини, деризә касәклирини, қача-қомуч, фольга чиқириш тоғрилиқ ойлаштуруш лазим. Инвестицияләрни нәқ мошу йәргә җәлип қилиш вә күч-қувәтни сәрип қилиш керәк, – дегән пикирни ейтти Дөләт рәһбири. Алюминий кластериниң буниңдин кейин қандақ тәрәққий етидиғанлиғи тоғрилиқ ERG мудирлар кеңишиниң рәиси Александр Машкевич әхбарат бәрди. Кеңәшмидә “Проммашкомплект” ҖЧЙ мудирлар кеңишиниң рәиси Дәулет Сыздықов төмүр йол машина ясаш санаитини тәрәққий әткүзүш, “Стальмонтаж” ҖЧЙниң баш мудири Александр Терентьев аграр секторида йеңи технологияләрни җарий қилиш, “Казэнергокабель” акционерлиқ җәмийитиниң баш мудири Олег Крук тиҗарәтчиликни қоллап-қувәтләш тоғрилиқ докладлар билән сөзгә чиқти. Натиқларниң һәммиси Президент қойған мәһсулатни қайта ишләшни тәрәққий әткүзүш, инвестицияләрни җәлип қилиш, заманивий технологияләрни җарий қилиш вәзипилири тоғрилиқ ой-пикирлирини оттуриға салди. Барлиқ регионларниң ишқа шундақ яндишишини көргәндә кәйпиятиң көтирилиду. Қезип чиқириватқан нәрсидин мәһсулат ишләп чиқиришимиз лазим. Хамәшияни аз сетип, қайта ишләнгән мәһсулатни көпирәк сетиш керәк, – дәп тәкитлиди Дөләт рәһбири. Нурсултан Назарбаев кеңәшмидә проблемилар моҗут саһаларғиму тохтилип, бирқатар ениқ тапшурмиларни бәрди. Тәкитләш керәкки, кеңәшмә С.Торайғыров намидики вилайәтлик бирләшкән универсал китапханида болуп өтти. Бу йәрдә Президентқа имканийити чәкләнгән китапханлар үчүн ихтисаслаштурулған җабдуқлар, билим бериш вә саламәтликни сақлаш саһалирини рәқәмләштүрүш бойичә лайиһиләр, шундақла “Рухани жаңғыру” лайиһә идарисиниң көргәзмә зали тонуштурулди.

58 рет

көрсетілді

0

пікір
Алдыңғы мақала Материаллар Шәхсий архивтин елинди
Келесі мақала Латин йезиғини үгинәйли

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы