- 30 август — Конституция күни
- 31 Тамыз, 2012
Гоя җәннәт елим бар
Мәһәмәтҗан Һапизов
Җаһан ичрә тәңдиши йоқ мениң шанлиқ елим бар, Барлиқ хәлиқ тәң яшниған хуш пурақлиқ беғим бар. Шан-шөһритин дастан қилар қәлимим бар, тилим бар. Чин жүрәктин Вәтән сөйәр мениң отлуқ дилим бар, Дилим сөйгән гүл-гүлистан гоя җәннәт елим бар. О, достлирим Вәтинимниң җараңлиған сазимән. Дәрткә — дәрман, садақити, назакити — назимән. Муһәббити бар аләмчә баһаримән-язимән. Яшиғанчүн шундақ әлдә миң-миңларчә разимән, Қәлбләргә илһам берәр җошқун сәнъәт елим бар. Қолум созсам айға йетәр космонавт пәхрим бар, Ғәзәпләнсәм явға йетәр нәпритим бар, қәһрим бар. Алтун Қанун ата қилған һоқуқум бар, бәхтим бар, Һалал әмгәк ара тапқан мениңму өз тәхтим бар. Һиммитидин әл паравән сехи дөләт елим бар. Бәһир елип шу Қанундин барчә милләт яшар шат, Дост-қериндаш, иҗил-инақ болуп өтәр бу һаят. Мошу Қанун шарапити — жутум болди һур ават, Һәтта қойнин ачар бизгә сирин ейтип каинат. Илим билән қайил қилған қайнар меһнәт елим бар. Течлиқ әмгәк, шат келәчәк мәшъилидур бу Қанун. Инсан бәхти — келәчәкниң мәнзилидур бу Қанун. Һәм ғурурум, әқил-оюм, тәғдиримму шу Қанун. Һарарити жүрәкләргә мәдәт берәр от-ялқун. Қәлби қайнақ, меһри дәрия, һули бәрикәт елим бар. Бир арминим: нурин чачса бизниң Қанун аләмгә, Тәңсизләргә пана болуп, қувәт бәрсә һәр дәмдә, Урушпәрәс, қанхорларни қилса мәһкүм матәмгә, Ахир қайғу-әләм әмәс, тәңлик керәк адәмгә. Алтун Қанун инсан үчүн болған мәдәт елим бар.
547 рет
көрсетілді0
пікір
