• Әхбаратлар еқими
• 25 Шілде, 2018

Һоқуқ қоғдаш саһасидики илғар тәҗрибә билән тонушти

Бәш институтциал ислаһатни әмәлгә ашуруш бойичә “100 ениқ қәдәм” Милләт плани даирисидә һоқуқ қоғдаш системисини йеңилаш бойичә мәһкимиләрара ишчи топиға рәһбәрлик қилған Қазақстан Җумһурийити Президентиниң ярдәмчиси – Бехәтәрлик Кеңишиниң кативи Нурлан Ермекбаев Германия Федератив Җумһурийитигә сәпәр билән барди.Сәпәрниң асасий мәхсити һоқуқ қоғдаш органлириға кадрларни таллаш вә тәйярлаштики, шундақла федераллиқ һәм йәрлик полиция хизмитиниң өзара һәмкарлиғини уюштуруштики дуниявий илғар тәҗрибиләр билән тонушуш, җинаий җазалар системисини тәтқиқ қилиштин ибарәт болди. Сәпәр давамида Ташқи ишлар министрлигиниң вә Федераллиқ ички ишлар министрлигиниң, регионлуқ полиция һәм пенитенциарлиқ система органлириниң, шундақла полиция академиясиниң рәһбәрлири билән учришишлар өтти. Бу чарә-тәдбирләрниң нәтиҗилири һоқуқ қоғдаш органлириниң нәтиҗидарлиғини ашуруш, уларниң иҗтимаий тәминатини яхшилаш бойичә әмәлгә ашурулуватқан ишлар даириси диққәт нәзәридә болди. Сәпәр давамида Н.Ермекбаев Бремендики “Райнметалл груп” һәрбий-санаәт карханисиға берип, чиқириливатқан мәһсулатлар билән тонушти.