• Әхбаратлар еқими
  • 02 Тамыз, 2018

Евразиялик һөкүмәтләрара кеңәш мәҗлисигә қатнашти

Санкт-Петербург шәһиридә Қазақстан Премьер-Министри Бақытжан Сағынтаев Евразиялик һөкүмәтләрара кеңәш мәҗлисигә қатнашти, униңда Евразиялик ихтисадий иттипақ дөләтлириниң премьер-министрлири баш қошти, дәп хәвәрлиди Һөкүмәтниң мәтбуат хизмити.Мәҗлискә Әрмәнстанниң Премьер-Министри Н.Пашинян, Беларусь Премьер-Министри А.Кобяков, Қирғизстан Премьер-Министри М.Абулгазиев, Россия Федерациясиниң Премьер-Министри Д.Медведев, шундақла Евразиялик ихтисадий комиссия президиуминиң рәиси Т.Саркисян қатнашти. Һөкүмәтләрара кеңәш мәҗлиси кичик вә кәңәйтилгән тәркиптә өтти. Кичик тәркиптә қатнашқучилар Евразиялик ихтисадий иттипақниң рәқәмлик күн тәртивини әмәлгә ашуруш җәриянини, йеза егилиги, энергетика вә транспорт саһалирида өзара һәрикәт қилиш мәсилилирини муһакимә қилди. Умумий газ базирини қелиплаштуруш, техникилиқ васитиләрни пайдилинип, дөләтлик әхбарат системилирини җипсилаштурулуши арқилиқ Иттипақниң бажхана даириси бойичә товарлар транзитиниң бирпүтүн системисини қуруш мәсилилири муһакимә қилинди. Кәңәйтилгән тәркиптә өткән мәҗлистә бажхана һәмкарлиғи мәсилилири, шундақла санаәтниң бәзи саһалирида кооперация вә импорттики өзара һәрикәтни рәтләш васитилири муһакимә қилинди. Қазақстан Премьер-Министри Б.Сағынтаев кәңәйтилгән тәркиптики Евразиялик һөкүмәтләрара кеңәш мәҗлисидә йеңи идеяләр, лайиһиләр вә тәшәббуслар региондики барлиқ дөләтләр гражданлириниң паравәнлигини ашурушқа тәсир қилидиғанлиғини ейтти. Бу ихтисадий, сәясий вә иҗтимаий турақлиққа шараит яритиду. Б.Сағынтаев Иттипақ даирисидә орнитилған һәмкарлиқ товар айлиними өсүминиң турақлиқ җәриянини көрситиватқанлиғини тәкитлиди. Шуниң билән биллә Б.Сағынтаев Евразиялик ихтисадий иттипақ даирисидә һәмкарлиқни қанун турғусидин рәтләш мәсилисигә алаһидә көңүл бөлди. Шу арқилиқ Иттипақниң шәртнамилик – һоқуқ базисини қелиплаштуруш вә тәрәққий әткүзүш ишлири планға мувапиқ жүргүзүлмәктә. Өткән жили интеграциялик бирләшмини тәрәққий әткүзүшкә қаритилған 600дин ошуқ акт қобул қилинди. “Биз һаҗәтсиз рәтләш васитилири билән тиҗарәткә тосалғуларни йоқитишқа айнилимдики мәһсулатларниң сүпитини ашурушқа интиливатимиз. Евразиялик ихтисадий иттипақ тоғрилиқ шәртнамигә Иттипақниң һоқуқлирини йүксәлдүрүш бойичә 70кә йеқин түзитишләр киргүзүш бойичә ишлар жүргүзүлүватиду. Һазир Хитай билән сода-ихтисадий, Вьетнам вә Иран билән әркин сода зониси тоғрилиқ шәртнамилар түзүлди. Биз ташқи сода сәяситини жүргүзүш үчүн шерикләрни ениқлаш мәхситидики ишларни давамлаштурушимиз лазим”, деди Қазақстан Һөкүмитиниң рәһбири. Қазақстан Премьер-Министри мәҗлис қатнашқучилириға бийил 14-майда өткән Алий кеңәшниң мәҗлисидә әза дөләтләрниң рәһбәрлири алға қойған Евразиялик ихтисадий иттипақни буниңдин кейинму тәрәққий әткүзүш бойичә йеңи стратегиялик вәзипиләрни тәкитлиди. Мәсилән, Қазақстан Президенти Н.Назарбаев чоң инфрақурулумлуқ мегалайиһиләр: “Хитай – Қазақстан – Россия – Беларусь – Европа” йөнилиши бойичә чапсан төмүрйол вә автотранспорт магистралини, Каспий вә Қара деңиз арқилиқ кемә үзидиған канал селиш тәшәббуслирини, шундақла Иттипақниң өзара сода ишлиридики орун еливатқан тосалғуларни йоқитиш вә уларни тәһлил қилиш тоғрилиқ тәклип бәргәнлигини қәйт қилди. Евразиялик Һөкүмәтара кеңәш мәҗлисиниң нәтиҗиси бойичә Һөкүмәтләрара кеңәшниң Евразиялик ихтисадий иттипақниң умумий газ базирини вә санаәтниң көплигән саһалирида кооперация һәм импорттики өзара һәрикәт мәсилилири бойичә ишчи топини қелиплаштуруш тоғрилиқ тапшурмилар, шундақла тәшкилий ишлар бойичә бирнәччә һөҗҗәт имзаланди. Евразиялик Һөкүмәтара кеңәшниң новәттики мәҗлисини бийил октябрьда Беларусьта өткүзүш тоғрилиқ қарар қобул қилинди.

858 рет

көрсетілді

275

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы