• «Уйғур авазиниң» сәйилгаһи
  • 08 Тамыз, 2018

«Гүлайимниң» дәсләпки қәдими

Йеқинда Панфилов наһийәсиниң Пәнҗим йезисидики Мәдәнийәт өйидә «Гүлайим» уссулчилар топиниң «Астана – жас қала» намлиқ мәрикилик концерти болуп өтти. Мәдәнийитимиз җөнкөйәри Гүлнарәм Аблизниң тәшәббуси вә йеза активистлириниң қоллап-қувәтлишиши билән өткән концертта «Дап», «Долан», «Шашу», «Қара жорға» қатарлиқ уйғур вә қазақ хәлқиниң миллий уссуллири иҗра қилди. Шундақла һинд, өзбәк хәлиқ уссуллириму орунланди.Бу күни гүлайимлиқларни қоллап-қувәтләп кәлгән Марат Отаршиев, Гүлзәпрәм Мусаева, Ихтияр Колбаев, Тейипҗан Туғлуқов, Баһардин Батуров, Эрнест Марипов, Ихтияр Колбаев вә Шахаббас Қасимҗанов кәби сәнъәткарлар йеқимлиқ нахшилиири билән концертниң техиму мәзмунлуқ болушини тәминлиди. «Гүлайим» уссулчилар топи һәққидә сөз қилсақ, уни уссулчи Гүлнарәм Аблиз йезидики мәктәп йешидики талантлиқ қизларни жиғип, тәшкил қилған. Бир жил ичидә улар миллий уссулларни үгинип, чоң-кичик байқаш-мәрасимларға қатнишип келиватиду. Гүлнарәм Аблиз уссулчиларға өзи кийим-кечәк издәп, бош вақит тапсила, улар билән мәшиқ қилиду. Ейтмақчи, Гүлнарәм шеирийәттиму қәләм тәвритип келиватқан яшлиримизниң бири. Униң шеирлири ана тилимиздики қәрәллик нәширләрдә турақлиқ йоруқ көрүп келиватиду. Буниңдин ташқири, йеқинда нәшир қилинған «Арзу булақлири» намлиқ умумий топламда шаирәниң бир топ шеирлири елан қилинди. Концерт ахирида миллитимиз җанкөйәри Әғзәм Мәрүпов, Пәнҗим йезисиниң жигитбеши Ясин Тохтахунов вә Ханим-қизлар кеңишиниң рәиси Разийәм Сайитбаева сөзгә чиқип, яш ғунчиләргә сәнъәт муһитида утуқ тилиди. Умумән, яш уссулчиларниң концерти тамашибинниң қәлбигә йол тапти. Әнди келәчәктә уларни қоллап-қувәтләйдиған сахавәтлик инсанлар тепилса, техи талай сәһниләрдә утуқ қазинидиғанлиғи талашсиз. Рашидәм МИРЗӘХМӘТОВА.

152 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы