• Спорт
  • 22 Тамыз, 2018

Һазирчә бир алтун

Шөһрәт МӘСИМОВ, “Уйғур авази” Бу күнләрдә Индонезияниң пайтәхти Джакарта вә Суматра арилиниң әң чоң шәһири болған Палембангта XVIII Азия оюнлири өтүватиду.Алдин-ала шуни тәкитләймизки, Азия Олимпиада кеңиши Вьетнам малийә қийинчилиқлириға бағлиқ Оюнларни Ханойда өткүзүштин баш тартқандин кейин 2014-жили 19-сентябрьдә 2018-жилқи язлиқ Азия оюнлириниң Индонезиядә өткүзүлидиғанлиғини елан қилған еди. Бу қетимқи қитъә оюнлирида дунияниң 45 мәмликитидин он миңға йеқин спортчи қатнишип, спортниң 42 түри бойичә 476 медаль комплекти үчүн күришиватиду. Әнди Қазақстан шәнини 440 спортчи қоғдайду. Улар спортниң 25 түри бойичә күч синишиватиду. Тәбиийки, Қазақстан Азия оюнлирида һәрқачан жуқури нәтиҗиләргә еришип кәлгән. Шуңлашқиму биз Оюнларға киргүзүлгән спорт түрлиридин медаль күтүшкә һәқлиқмиз. Тәкитләш керәкки, бу қетимқи программиға чоққиға чиқиш, стритбол охшаш Қазақстанда әндила тәрәққий етиватқан спорт түрлириму киргүзүлгән. Әлвәттә, биз улардин медаль күтмәймиз. Бирақ умумән Қазақстанниң умумкомандилиқ һесапта дәсләпки “бәшликтин” орун егиләйдиғанлиғиға үмүт қилимиз. Очуғини ейтиш керәкки, униңдин жуқури көтирилишму мүмкин әмәс. Чүнки әнъәнә бойичә қитъә оюнлирида дәсләпки үч орунни Япония, Хитай вә Корея командилири егиләп келиватиду. Ейтмақчи, бу қетимқи оюнларда Шималий вә Җәнубий Корея спортчилири бир команда болуп күч синишиватиду. Әнди Азия оюнлириниң дәсләпки нәтиҗилиригә кәлсәк, биринчи күнила қазақстанлиқлар өз ғоҗиниға төрт медаль салди. Җүмлидин, Олимпиада чемпиони Пак Сан Ённи (Җәнубий Корея) тиз пүктүргән қиличваз Дмитрий Алексанин алтун медальға еришсә, палванлиримиздин Данияр Қайсанов – күмүч, Саятбек Оқасов вә Әдилет Дәвлумбаев бронза медалиға еришти. Униңдин кейинки күнләрдә палван Алмат Кебиспаев, таэквондичи қизимиз Жансель Дениз вә су полоси бойичә қизлар талланма командиси күмүч, маунтинбайкер (велосипед спорти) Кирилл Казанцев, таэквондочи Руслан Жапаров вә палванлар Эльмира Сыздықова билән Мейрамбек Айнағулов, қиличваз жигитләр вә қизлар командилири, қолвақта (байдарка) үзгүчи Александр Куликов таэквандочи Нурлан Мырзабаев бронза медалиға сазавәр болди. Бу йәрдә гезитханларда Азия оюнлирида яхши нәтиҗиләргә сазавәр болған спортчиларниң қандақ рәғбәтләндүрүлидиғанлиғиниң қизиқтуридиғанлиғи тәбиий. Әнъәнә бойичә бу қетимқи Оюнлардиму алаһидә көзгә чүшкән жигит-қизлиримиз һөкүмәт тәрипидин мукапатларға еришиду. Мәсилән, Оюнлар чемпиони он миң, күмүч медаль алғанлар бәш миң вә бронза медалини йеңивалғанлар үч миң АҚШ доллири билән рәғбәтләндүриду. Тәбиийки, уларниң мәшиқләндүргүчилириму диққәттин сирт қалмайду.

47 рет

көрсетілді

0

пікір
Алдыңғы мақала Москвадин олҗилиқ қайтти
Келесі мақала Ирадә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы