• Әхбаратлар еқими
  • 22 Тамыз, 2018

Тәзийә телеграммилирини әвәтти

Нурсултан Назарбаев сабиқ Бирләшкән Милләтләр Тәшкилатиниң Баш кативи Кофи Аннанниң вапат болуши мунасивити билән мәрһумниң уруқ-туққанлири вә йеқинлириға тәзийә телеграммисини әвәтти. Дөләт рәһбири сабиқ Бирләшкән Милләтләр Тәшкилатиниң Баш кативи Кофи Аннанниң вапат болғанлиғи тоғрилиқ хәвәрни чоңқур қайғуруп қобул қилди. “Кофи Аннан хәлиқара дәриҗидики сәясәтчи сүпитидә өз һаятини сәйяридә турақлиқ вә течлиқни орнитишқа беғишлиди. Бирнәччә жил илгири мән әң сағлам пикирлик, сапдил вә алийҗанап инсанларниң бири болған Кофи Аннан билән тонушуш бәхтигә еришкән едим. Аләмшумул тәрәққиятниң муһим мәсилилири бойичә бизниң мәвқәлиримиз мас келәтти. Мән бизниң сөһбәтлиримиз билән учришишлиримизни мошу кәмгичә сәмимийәт билән әсләймән”, дейилиду телеграммида. Нурсултан Назарбаев Қазақстан хәлқиниң вә шәхсән өзиниң намидин Кофи Аннанниң уруқ-туққанлири билән йеқинлириға вә Бирләшкән Милләтләр Тәшкилатиға тәзийә билдүрди. *** Нурсултан Назарбаев Италия Җумһурийитиниң Президенти Серджо Маттареллеға тәзийә телеграммиси әвәтти. Дөләт рәһбири Италияниң шималидики Генуя шәһиридә автомобиль көрүгиниң ғулап чүшүши ақивитидә нурғунлиған адәмләрниң қурван болғанлиғи тоғрилиқ хәвәрни чоңқур қайғуруп қобул қилди. “Җудалиққа ортақлишип, Қазақстан хәлқиниң вә шәхсән өзәмниң намидин һалак болғанларниң уруқ-туққанлири билән йеқинлириға, шундақла пүткүл Италия хәлқигә тәзийә билдүримән. Барлиқ зәрдап чәккәнләрниң чапсанирақ сақийип, аилилиригә қайтип келишигә тиләкдашлиқ билдүримән” дейилиду телеграммида.

404 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы