• Қәлб нидаси
  • 28 Тамыз, 2018

Әл қәдирлигән әр

Гөһәрбүви ИСМАЙИЛҖАНОВА, « Уйғур авази» Панфилов наһийәсиниң жут-җамаәтчилиги йеқиндила йеза егилиги ишләпчиқиришиниң маһир тәшкилатчиси, Яркәнтниң йоруқ юлтузи Азат Мәшүровниң намида чоң кочиларниң бириниң атилиши мунасивити билән болуп өткән коча мәйриминиң гувачиси болған еди. Бу қетим Яркәнт шәһиридики илгәрки Жмутский кочисиға дөләт вә җәмийәт әрбаби Серғазы Беспаевниң исми берилип, яркәнтликләр йәнә бир хошаллиқниң шаһиди болди.Он жил давамида Панфилов наһийәлик партия комитетиниң биринчи кативи болуп ишлигән Серғазы Беспаев һаят болғинида 85 яшқа толатти. Коча мәйримигә жиғилған көпчилик наһийә рәһбәрлири билән шәһәр мәркизидики Желтоқсан вақиәси қурванлири Ләззәт Асанова билән Ербол Сипатаевқа орнитилған ядикарлиққа гүлчәмбәрләр қоюп, сүкүт сақлиди. Андин наһийә һакими Темирлан Бектасов наһийәниң мәдәнийити билән ихтисадиниң тәрәққиятиға мунасип һәссисини қошқан С.Беспаевниң һаяти вә иш-паалийити һәққидә доклад билән сөзгә чиқти. Мірасимда Социалистик Әмгәк Қәһримани Күләш Айтжанова, Алмута вилайитинң Пәхрий граждини Ермек Келемсейит, замандашлири Ризайдин Әйсаев, Галина Молчанова, Малик Мафухаев вә башқилар сөз елип, тәләпчан вә тәдбирчан рәһбәр, маһир тәшкилатчи, әл қәдирлигән әр билән хизмәтдаш болғанлиғини ейтип, иллиқ хатирилири билән ортақлашти. Өз новитидә мәрһумниң аилиси намидин оғли Жанат сөзгә чиқип, вилайәт, наһийә рәһбәрлиригә, атисиниң замандашлириға, жут-җамаәтчиликкә миннәтдарлиғини изһар қилди. Ахирида мәрһумниң роһиға атап “Атлантик” ресторанида нәзир берилди. Панфилов наһийәси. Жумағазы БЕЙСЕБЕК чүшәргән сүрәт.

498 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы