• «Уйғур авазиниң» сәйилгаһи
• 10 Қыркүйек, 2018

Гилас

Қипқизил пишқан гилас ярниң левини әслитәр, Шәрбити көйгән жүрәкниң чаңқиғини пәслитәр. Яз қуяши нурида чақнап қизил яқут кәби, Икки-үч түп өстүрүлсә, һойлини ават етәр. Кәлтүрүлсә дәстиханға зиннәту, бәрикәт қошуп, Тутса бир чаңгал униңдин әһли сорунға йетәр. Қип-қизил рәңги мисалдур худди яшлиқ пәслигә, Ашиғини қиз гиласниң астида сақлап -күтәр. Йоқ өмүрдә әвзили сөймәк-сөйүлмәк бәхтидин, Яри йоқ җан һәр деми рәңги гиластәк қан жүтәр. Мәвҗи илһамини қозғатқач чирайлиқ һөснидә, Күйчи - шаирлар гилас тәрипигә әшъар пүтәр. Данә - данә турса қиз бойнидики мончақ кәби, Көлтегинни һиссиятниң бөшүгидә тәвритәр. Һаҗи Әһмәд Көлтегин.