• Нәшрият төһписи
  • 13 Қыркүйек, 2018

“Уйғур алимәлири...”

Шәмшидин АЮПОВ, “Уйғур авази” Йеқинда Алмута шәһиридики “Гига трейд” нәшриятидин миллий мәдәнийитимиз билән маарипимиз җанкөйәри Турсунай Әйса қизи Тейипова тәрипидин топланған “Уйғур алимәлири – Уйгурские женщины – ученые” намлиқ топлам нәширдин чиқти. Мәзкүр китапта Қазақстан, Өзбәкстан вә Қирғизстан һәм ШУАРда истиқамәт қиливатқан, һәрхил саһалар бойичә илим-пән чоққилиридин көрүнгән ханим-қизларниң паалийити әтраплиқ баян қилиниду. “Хәлиқ һөрмитигә сазавәр болған уйғур аяллириниң мәлум бир қисмини “Ана билән аләм гөзәл” намлиқ китавимда атап өткән болсам, новәттики бу топламда уйғурлар арисидин йетилип чиққан алим қизлиримизниң илмий паалийити диққәт нәзәримиздә болди”, дәйду Турсунай Тейипова китапқа язған киришмә сөзидә. – Буниңға түрткә болған уйғур мәктәплириниң келәчигигә нисбәтән “ишәшсизлик” мәсилиси билән ана тилида алған билимини “ярамсиз” дегүчиләргә ой ташлаштур. Чүнки китаптин орун алған алим қизлиримизниң көпчилиги уйғур жутлирида, өз ана тилида билим елип, илмий ишлирини қазақ, рус, өзбәк вә инглиз тиллирида бемалал һимайә қилған. Мошуниң өзила диққәткә сазавәр һәм дунияға ишәшлик җар селишқа лайиқ нәтиҗә әмәсму! Шуңлашқиму мошу топлам келәчәк әвлатқа мәнивий озуқ болуп, уларниң илмий издинишлиригә иқбал етәр дегән ойдимиз”. Кәң китапхан аммисиға беғишланған ушбу топлам – Турсунай Тейипованиң уйғур аяллириға болған ярқин муһәббитиниң көрүнүши, уйғур алимәлиригә болған чәксиз һөрмәт-миннәтдарлиғиниң бир бәлгүси болуп қалғуси. Топламни “кичик қамус” десәкму болиду. Чүнки мәзкүр топламдин орун алған уйғур алимәлириниң илмий паалийити билән йеқинирақ тонушушни халиған һәрқандақ китапханға ушбу әмгәкниң зор имканийәт яритидиғанлиғи ениқ.

293 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы