• Әхбаратлар еқими
• 13 Қыркүйек, 2018

Сахта ахчидин сақ болуң

Жил бешидин тартип Қазақстанда 18 миллион тәңгилик бир йерим миң сахта банкнота тартивелинди. Бир қизиқ йери, сахта ахча чиқарғучилар миллий валютини әвзәл көридекән. Чүнки мусадирә қилинған банкнотиниң нәқ 90 пайизи миллий валютиға тоғра келиду. Барлиғи болуп Алмута, Қизилорда вә Орал шәһәрлиридә үч йошурун цех тепилди. Мәлуматларға қариғанда, һәр иккинчи сахта купюра җәнубий пайтәхттә чиқирилидекән. “Устилар” көпирәк икки вә он миң тәңгилик банкнотларни ясайдекән. Әнди экспертларниң тәкитлишичә, йошурун цехлар җинаий маһаритиниң йеңи дәриҗисигә чиққан. Сахта ахча чиқарғучиларниң маһарити шунчилик ашқанки, улар ахчиниң рәңгини, һимайә дәриҗисини өз әйни билән дегидәк берәлигән. Әнди гражданлар болса, ахчиниң сахта екәнлигини билсиму, банкқа яки һоқуқ қоғдаш органлириға мураҗиәт қилишқа алдиримайду. Адәттә, уни чапсанирақ хәшләветишкә тиришиду. Полиция органлириниң билдүрүшичә, адәмләрниң көпчилиги банкнотиниң нәқ ахча екәнлигини көрситидиған адәттики көрүнүшлирини билмәйду вә сода орунлирида қайтурмини тәкшүрмәйду.