• Әхбаратлар еқими
  • 19 Қыркүйек, 2018

«Қорғас» сода мәркизидики навайхана

Гөһәрбүви ИСМАЙИЛҖАНОВА, «Уйғур авази» Яркәнт шәһиридин 34 километр жирақлиққа орунлашқан «Қорғас» сода мәркизигә һәр күни миңлиған туристлар келиду. Шуңлашқа у йәрдә сода-сетиқ ишлири қизғин. Биз һәр қетим сода мәркизигә барғинимизда, йеңи-йеңи сода орунлири билән меһманхана, қобул қилиш мәркәзлири охшаш йеңи объектларниң селиниватқанлиғини, қурулуш ишлириниң сүръәтлик жүргүзүлүватқанлиғини, уларниң пайдилинишқа бериливатқанлиғини көрүмиз. Бу қетим биз «Қорғас» хәлиқара сода мәркизидә хитайлиқ тиҗарәтчиләр үчүн йеңи навайханиниң ечилиш мәрасиминиң гувачиси болдуқ. Тәкитләш керәкки, навайханида пәқәт Қазақстанда ишләнгән пәчләрдә қазақстанлиқ навайлар тәрипидин пишип чиқиватқан иссиқ нанниң һиди һәммини бирдин өзигә җәлип қилиду. «Қорғас» хәлиқара сода мәркизиниң президенти Қаһарман Жазинниң тәкитлишичә, Қазақстанниң иссиқ ненини Хитай туристлири вә сода мәркизигә һәр күни Россия, Қирғизстан, Өзбәкстандин келип-кетиватқан миңлиған туристлар көпләп сетивалиду һәм буйрутма бериватқанларму интайин нурғун. Чүнки кәспий билимгә егә навайлар нан пиширишниң һәқиқий маһирлиридин екән. Май, сүт қошуп пиширилгән нанниң бирини алған турист җәзмән йәнә өзи билән бирнәччисини елип кетиду. Қазақстан Товар ишләпчиқарғучилар вә тиҗарәтчиләр ассоциациясиниң рәиси Қайрат Бектургеневниң тәкитлишичә, бу лайиһә толуғи билән елимиздә тәйярланған ун вә нан мәһсулатлирини пишириш үчүн һаҗәт нәрсиләр билән 100 пайиз тәминләнгән. Һәқиқәтәнму қазақстанлиқ «Трейдинг центр KZ» ширкити навайханини йеңи илғар технологияләр билән җабдуқлап, жуқури квалификациялик навайларниң хизмитидин пайдиланмақта. Навайларниң ейтишичә, келәчәктә нанниң башқиму түрлири вә нан мәһсулатлирини пишириш мәхсәт қилиниватиду. Чүнки «Қорғас» сода мәркизидә йеңи пишип чиққан мейизлиқ нанниң һиди жирақ-йеқиндин келиватқан туристларни бирдин өзигә җәлип қилмақта. Панфилов наһийәси.

26711 рет

көрсетілді

273

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы