• Әхбаратлар еқими
  • 26 Қыркүйек, 2018

Илғарлар ениқланди

Йеқинда Әмгәкчиқазақ наһийәсиниң Асысаға йезисидики Мәдәнийәт өйидә наһийәлик «Илғар башланғуч партия тәшкилати» конкурси болуп өтти. Рашидәм РӘҺМАНОВА, «Уйғур авази» Униңда дәсләп «Нур Отан» партияси наһийәлик шөбиси рәисиниң биринчи орунбасари Қуат Байғожаев наһийәдә әмәлгә ашурулған ишлар һәққидә доклад қилди. Униң тәкитлишичә, йеқинда бәкитилгән йеңи концепциядин кейин партиядә чоң өзгиришләр йүз бәрди. Мәсилән, һазир партиягә әза болуш нийитини билдүргән гражданлар 71 көрсәткүч бойичә қобул қилиниду. Конкурсқа наһийәниң барлиқ 26 округида тиркәлгән башланғуч партия тәшкилатлириниң вәкиллири қатнишип, партия лаһийилириниң орунлиниши, 9 ай мабайнида әмәлгә ашурулған ишлар һәққидә һесават бәрди. Уларниң ишини Қуат Байғожаев, наһийәлик мәслиһәтниң кативи Бекет Ахметов, наһийәлик уруш вә әмгәк ветеранлири кеңишиниң рәиси Тилеулес Узақов, наһийәлик мәслиһәтниң депутати Аблеким Сәйдуллаев, партия ветеранлири Айтжан Қашағанов вә Нурдәулет Қалқаев баһалиди. Атап кетиш керәкки, партияниң тәшәббуси билән «Рәқәмлик Қазақстан» программиси даирисидә Челәк йезисидики 1-оттура мәктәптә ІТ синипи вә китапханиларда коворкинг мәркәзлири ечилди. Партия тәшкилатлири вәкиллириниң һесавитидин кейин қазилар тәрипидин уларға Дөләт рәһбириниң мәктүплири, Президентниң “Бәш иҗтимаий тәшәббусиға» бағлиқ соаллар қоюлди. Синаққа қатнашқан партия әзалириниң асасий қисми пухта тәйярлиғи билән көзгә чүшти. Уларниң арисидин ІІ категориядики 100 – 500 әзаси бар Бәйтерек башланғуч партия тәшкилати «Әң илғар партия тәшкилати» дәп етирап қилинди. Иккинчи орунға Масақ, үчинчи орунға Бәйдибек би башланғуч партия тәшкилатлири еришти. Әнди ІІІ категориядики, йәни 500дин ошуқ әзаси бар Ишиктә башланғуч партия тәшкилати биринчи орунға еришти. Иккинчи вә үчинчи орунларни Аси, Түргүн башланғуч партия тәшкилатлири егилиди. Зарина Бөлекбаева (Ишиктә), Лола Бакриева (Челәк) вә Совет Смадылов (Көктөбе) Илғар башланғуч партия тәшкилатлириниң катиплири” намиға муйәссәр болди. Конкурс йәкүни бойичә униң ғалиплири – Бәйтерек вә Ишиктә башланғуч партия тәшкилатлири вилайәтлик көрүккә йолланма алди. Әмгәкчиқазақ наһийәси.

68 рет

көрсетілді

0

пікір
Алдыңғы мақала Анилар слети
Келесі мақала “Болашақ” стипендияси бәлгүләнди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *