• Әхбаратлар еқими
  • 03 Қазан, 2018

Муәллим – шәрәплик кәсип

Муәллимләр күни һарписида пайтәхттә җумһурийәтлик “Әң яхши педагог-2018” конкурсиниң ғалиплирини мукапатлиди. Бийил конкурсниң наһийәлик вә шәһәрлик басқучлириға – 3864, вилайәтлик басқучқа 710 педагог қатнашти. Пәхрий нам бериш бойичә җумһурийәтлик комиссияниң қарап чиқишиға мәктәп йешиғичә болған вә оттура, техникилиқ вә кәспий билим бериш системилиридин 147 һөҗҗәт чүшти. Конкурслуқ комиссия тәркивигә мәмликәтниң әң яхши педагоглири, методистлар, муәллимләр билимини мукәммәлләштүрүш институтлириниң оқутқучилири, кәспий иттипақ тәшкилатлириниң, Миллий тиҗарәтчиләр палатисиниң вәкиллири, журналистлар кирди. Улар намзатларни 20дин ошуқ өлчәм бойичә баһалиди. – Бүгүн пүткүл мәмликитимиз үчүн чоң мәйрәм. Әгәр балилиримизниң, вәтинимизниң тәғдири нәқ силәрниң қолуңларда десәк, у һеч мубалиғә әмәс. Силәр алийҗанап ишни әмәлгә ашуруватисиләр, уни вижданлиқ вә һәрқачан әла дәриҗидә бәҗириватисиләр. Мениң силәргә, қиммәтлик муәллимләр, чидамлиқ-төзүмлүгиңлар, әмгигиңлар, бәзидә балилиримизни биз, ата-анилардинму, артуқ яхши көрүватқиниңлар үчүн миннәтдарлиқ билдүргүм келиду, – дәп муәллимләрни кәспий мәйрими билән тәбриклиди чарә-тәдбирниң меһмини, Қазақстан Җумһурийити Парламенти Сенатиниң депутати Дариға Назарбаева. – Язғучи – әсәрлиридә, рәссам – картинилирида, һәйкәлтараш –вуҗутқа кәлтүргән һәйкәллиридә, яхши муәллим шагиртлириниң қәлбидә, уларниң иш-һәрикәтлиридә яшайду, дәп адаләтлик ейтилған. Силәрниң җавапкәр әмгигиңларниң һәрбир күни һөрмәткә мунасип. Силәр яш әвлатқа билим бериш арқилиқ уларниң қәлбидин чоңқур орун еливатисиләр. Мән ата сүпитидә, оқуғучи сүпитидә, пәрзәнт сүпитидә, министр сүпитидә силәрниң күндилик әмгигиңларға чоң рәхмәт ейтмақчимән, – дәп тәкитлиди тәбрик сөзидә Қазақстан Җумһурийитиниң Билим вә пән министри Ерлан Сағадиев. Мәлумки, бийил 48 муәллим вә колледжларниң 16 оқутқучиси “Әң яхши педагог – 2018” җумһурийәтлик конкурсиниң ғалиби аталди. Уларға Дариға Назарбаева билән Ерлан Сағадиев мәйдигә тақайдиған бәлгү, гуванамә, 1 000 айлиқ һесап көрсәткүчи миқдарида мукапат пули тапшурди. Җумһурийәтлик “Әң яхши педагог” конкурси 2012-жилдин тартип өткүзүлүватиду. Униң мәхсити – муәллим абройи вә мәртивисини ашуруштин, җумһурийәтниң әң яхши муәллимлириниң тәҗрибисини аммибаплаштуруштин ибарәт. Өткән йәттә жилда конкурсқа 31 420 педагог қатнишип, 368 муәллим ғалип чиқти.

46 рет

көрсетілді

0

пікір
Алдыңғы мақала «Уйғур авази» – уйғурниң соғулмас булиғи, миллий маарип –моҗутлуғимизниң мәнбәси»
Келесі мақала Мәктәптә хиҗаб кийишкә болмайду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *