• Әхбаратлар еқими
  • 11 Қазан, 2018

ҚазМПУға – 90 жил

Қазақстан Җумһурийитиниң дөләт кативи Гүлшара Әбдиқалықова Абай намидики Қазақ миллий педагогика университетиниң 90 жиллиғиға беғишланған тәнтәнилик чарә-тәдбирләргә қатнашти. ҚазМПУниң 90 жиллиғини мәйрәмләшкә шундақла Парламент депутатлири, Билим вә пән министрлигиниң, дипломатик миссияләрниң, Миллий пәнләр академиясиниң вәкиллири, мәмликәтниң йетәкчи университетлириниң ректорлири, елимизниң атақлиқ алимлири, мәзкүр алий оқуш орниниң профессор-оқутқучилар тәркиви вә студентлар, шундақла 200дин ошуқ чәтәллик меһман қатнашти. Дөләт кативи тәнтәнилик жиғин қатнашқучилириға Президент Нурсултан Назарбаевниң тәбригини оқуп бәрди. “Абай намидики Қазақ миллий педагогика университети елимиз алий билим бериш системисида әң чоң алий оқуш орни болуп һесаплиниду. Бүгүнки таңда у йетәкчи оқуш орниға айланди, униң тарихи 1928-жили мәмликәттә бирдин-бир педагогика факультетини ечиштин башлиниду. Униң шәкиллинишигә милләтниң Ахмет Байтурсынов, Темирбек Жүргенов, Халел Досмухамедов, Сәкен Сейфуллин вә башқиму көрнәклик әрбаплири баһалиқ һәссә қошти. Университетта 14 академик, 155 пән доктори вә 380 пән намзити дәрис берип, җошқун тәрәққий етиватқан Қазақстан үчүн тәләп қилиниватқан мутәхәссисләрни тәйярлаватиду”, дейилиду Дөләт рәһбириниң тәбригидә. Абай намидики ҚазМПУ чоң илмий билим бериш мәркизи вә мәмликәтниң алий педагогика оқуш орунлири арисида умуметирап қилинған лидер болуп һесаплиниду. 2018-жили университет Европа вә Мәркизий Азияниң 30 мәмликитиниң 200 әң яхши университети арисида 86-орунни егилиди. Һазирқи вақитта мәзкүр алий оқуш орни дунияниң 25 дөлитиниң 130 университети билән илмий вә академиялик алақә орнатти. Университет юбилейиға беғишланған тәнтәнилик чарә-тәдбир Қазақстан эстрадиси юлтузлириниң мәйрәмлик концерти билән аяқлашти.

418 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы