• Әхбаратлар еқими
  • 11 Қазан, 2018

Қазақстан хәлқи Ассамблеясиниң мураҗиити

Қиммәтлик вәтәндашлар! Қазақстан Җумһурийитиниң Президенти Нурсултан Назарбаевниң Қазақстан хәлқигә йоллиған “Қазақстанлиқларниң паравәнлигиниң өсүши: тапавәтниң вә турмуш сүпитиниң яхшилиниши” Мәктүби җәмийәтниң муһим иҗтимаий соаллириға әмәлий җавап болди. Бу дөләт органлири, тиҗарәт вә җәмийәт үчүн пүтүнсүрүк иш-һәрикәт стратегиясини бәлгүләйдиған, өз әһмийити һәм мәзмуни бойичә наһайити муһим һөҗҗәт. Асасий мәхсәт – қазақстанлиқлар паравәнлигиниң өсүши. Буниң үчүн ениқ вәзипиләрни әмәлгә ашуруш бәлгүләнди. Әң аз иш һәққини ашуруш, “Тиҗарәтниң йол хәритисини” давамлаштуруш, турушлуқ өй-коммунал егилиги хизмәтлириниң тарифида тәртип орнитиш вә башқа чариләр киримниң турақлиқ өсүшигә ярдәм қилиду. Билим, илим-пән вә саламәтликни сақлашқа болған хираҗәтниң көпийиши, участкилиқ медицина хадимлириниң айрим категориялириниң иш һәққини ашуруш, сағлам турмуш тәризини тәрәққий әткүзүш, аһалини сүпәтсиз товарлар вә хизмәтләрдин қоғдаш – булар турмуш сүпитини яхшилаш бойичә ениқ қәдәмләр. Турушлуқ өй мәсилилирини һәл қилиш, йәрлик йолларни тәрәққий әткүзүш, йезиларда су билән тәминләш, экологияни яхшилаш, гражданларниң бехәтәрлигини тәминләш бойичә чариләр қолайлиқ яшаш муһитини вуҗутқа кәлтүрүшкә хизмәт қилиду. Мәктүптә қоюлған вәзипиләрни һәл қилишта дөләт аппаратиниң нәтиҗидарлиқ паалийити вә қазақстанлиқларниң мәмликәттики өзгириш җәриянлириға қатнишиши муһим һәм җавапкәрлик роль ойнайду. Шундақла яшларни вә аилә институтини комплекслиқ қоллап-қувәтләшниң көздә тутулғанлиғиниң, 2019-жилниң болса, Яшлар жили дәп елан қилинғанлиғиниң дөләт сәяситиниң әвзәллиги екәнлигини тәкитләп өтүш муһимдур. Һөрмәтлик қазақстанлиқлар! Дөләт рәһбири аһалиниң иҗтимаий әһвалини вә турмуш сүпитини яхшилаш бойичә мисли көрүлмигән чариләрни бәлгүлиди. Президент җәмийитимиздә разимәнлик вә бирликни сақлиғандила уларни қолға кәлтүрүшниң мүмкин екәнлигини тәкитлиди. Қазақстан хәлқи Ассамблеяси йеңи Мәктүпниң вәзипилирини толуқ қоллап-қувәтләйду вә уларни әмәлгә ашурушқа һәм чүшәндүрүшкә паал қатнишиду. Биз барлиқ қазақстанлиқларни миллий паравәнлик дөлитини қуруш мәхсәтлирини қолға кәлтүрүш үчүн җипсилишишқа чақиримиз. Мошуниң һәммиси — Қазақстандики течлиқ вә разимәнликниң асаси. Биз Мәктүпни әмәлгә ашурушниң җәмийәтлик разимәнлик вә җәмийәтлик бирликниң, гражданларниң паравәнлигини ашурушниң, Вәтинимизни гүлләндүрүшниң мустәһкәм асас-зәмини болидиғанлиғиға ишинимиз. Қазақстан хәлқи Ассамблеясиниң Кеңиши

94 рет

көрсетілді

0

пікір
Алдыңғы мақала ҚазМПУға – 90 жил
Келесі мақала Президент һозурида

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

25 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы