• Әхбаратлар еқими
  • 11 Қазан, 2018

Қазақстан – Сербия: йеқин достлар вә шерикләр

Нурсултан Назарбаев Астанаға рәсмий сәпәр билән кәлгән Сербия Президенти Александр Вучич билән музакириләрни өткүзди. Нурсултан Назарбаев 2016-жили Сербиягә қилған дәсләпки рәсмий сәпиридин кейин Қазақстан рәһбири вә Александр Вучич төртинчи қетим учришиватиду. Рәсмий қарши елиш мәрасимидин кейин Президентлар тар тәркиптә музакириләрни өткүзүп, иккитәрәплимә мунасивәтләрниң муһим мәсилилирини вә хәлиқара күн тәртивини муһакимә қилди. – Җанаби Президент, Сиз “ЭКСПО-2017” Хәлиқара көргәзмисини зиярәт қилип, бизни қоллап-қувәтлигән едиңиз вә әнди Дуниявий вә әнъәнивий динлар рәһбәрлириниң VI қурултийиға қатнишиш үчүн Қазақстанға рәсмий сәпәр билән келиватисиз. Мошуниң һәммиси Сизниң мәмликитимизгә достанә мунасивәт қиливатқанлиғиңизни көрситиду, биз буни наһайити қәдир тутимиз, – деди Нурсултан Назарбаев. Дөләт рәһбири иккитәрәплимә ихтисадий мунасивәтләрни илгирилитиш истиқбалиға айрим тохталди. – Мениң Сербиягә қилған сәпирим давамида қолға кәлтүрүлгән келишимләр даирисидә биз логистика, транспорт вә коммуникацияләр, мудапиә санаити, йеза егилиги, фармацевтика вә қурулуш саһалирида һәмкарлиқни кәңәйтишимиз зөрүр. Сизниң бу қетимқи сәпириңиз өзара мунасивәтлиримизни йеңи дәриҗигә көтириш имканийитини бериду, – дәп тәкитлиди Қазақстан Президенти. Учришиш давамида Дөләт рәһбири Қазақстан Җумһурийити вә Сербия Җумһурийити оттурисидики течлиқ, достлуқ вә һәмкарлиқни күчәйтишкә қошқан һәссиси үчүн Александр Вучични I дәриҗилик “Достық” ордени билән мукапатлиди. Өз новитидә Александр Вучич Нурсултан Назарбаевқа сәмимий қобул қилғанлиғи һәм Сербияни хәлиқара дәриҗидә һәртәрәплимә қоллап-қувәтләватқанлиғи үчүн миннәтдарлиқ билдүрди вә Қазақстан Президентини әң жуқури дөләт мукапити – I дәриҗилик “Сербия Җумһурийитиниң ордени” билән мукапатлиди. Бу мукапат Сербия билән достанә мунасивәтләрни вә һәмкарлиқни тәрәққий әткүзүп, күчәйтишкә алаһидә һәссә қошқан чәт әл дөләтлириниң рәһбәрлиригә тапшуруш үчүн тәсис қилинған. Дөләт рәһбәрлири аммивий әхбарат васитилир үчүн өткүзүлгән мәтбуат конференциясидә учришиш йәкүнини чиқирип, икки мәмликәт оттурисидики һәмкарлиқниң җошқун тәрәққий етиватқанлиғини алаһидә тәкитлиди. Нурсултан Назарбаевниң сөзичә, музакириләр утуқлуқ вә үнүмлүк өткүзүлди. Нурсултан Назарбаев Александр Вучичқа Дуниявий вә әнъәнивий динлар рәһбәрлириниң VI қурултийиға қатнишиш қарари үчүн йәнә бир қетим миннәтдарлиқ билдүрди. Өз новитидә Сербия Җумһурийитиниң Президенти Қазақстан рәһбиригә көрситилгән меһмандостлуқ үчүн миннәтдарлиқ билдүрди вә өткүзүлгән музакириләрниң конструктив характерға егә болғанлиғини тәкитлиди. Александр Вучич униңдин ташқири Белградта Қазақстан Әлчиханисини ечиш илтимаси билән мураҗиәт қилди вә Нурсултан Назарбаевни йәнә бир қетим Сербияни зиярәт қилишқа тәклип қилди.

83 рет

көрсетілді

0

пікір
Алдыңғы мақала Президент һозурида
Келесі мақала «Уйғур авази» – уйғурумниң көзи һәм сөзи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

25 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы