• Әхбаратлар еқими
• 17 Қазан, 2018

Устазлар, дохтурлар, яшлар қатнашти

Сабирәм ӘНВӘРОВА, «Уйғур авази» Йеқинда Уйғур наһийәлик Мәдәнийәт өйидә наһийә һакими Шөһрәт Нурахуновниң қатнишиши билән устазлар, дохтурлар вә яшлар Дөләт рәһбири Н.Ә. Назарбаевниң «Қазақстанлиқларниң паравәнлигиниң өсүши: тапавәтниң вә турмуш сүпитиниң яхшилиниши» намлиқ новәттики Мәктүбини муһакимә қилди. Жиғинға риясәтчилик қилған наһийә һакими мәзкүр Мәктүптики алтә вәзипигә әтраплиқ тохталди. Әнди сөз новитини алғанлар, мәсилән, Илия-Бәхтия намидики 3-Чонҗа оттура мәктивиниң башланғуч синип муәллими Альмира Розахунова Президентимизниң новәттики Мәктүбидә муәллимләр һәққидә ейтқан пикир-тәклиплири һәққидә өзини ойландуруп жүргән мәсилиләрни оттуриға салса, наһийәлик мәркизий дохтурханиниң хадими Гөзәл Сетәкова Мәктүптики саламәтлик саһасиға аит көтирилгән йеңилиқларға тохтилип, ахирқи жилларда медицина саһасиниң заманивий қурал-үскүниләр билән тәминлинип келиватқанлиғини пәхирлиниш илкидә тилға алди, наһийәлик яшлар мәркизиниң мутәхәссиси Назерке Дүйсенбаева болса, 2019-жилда яшлиримизниң Президентимизниң ишәнчисидин чиқишқа бар күчини салидиғанлиғиға ишәндүрди. Шундақла наһийәлик ички ишлар бөлүминиң хадими Данияр Айдос, наһийәлик ветеринариялик станция мудириниң орунбасари Елнур Досымбеков вә башқилар Мәктүп бойичә өз пикирлири билән ортақлашти.