• Әхбаратлар еқими
  • 17 Қазан, 2018

Биртуташ тематикилиқ күн «Достлуқ өйидә» өтти

Мәшүр САСИҚОВ, «Уйғур авази» Өткән пәйшәнбә күни Алмута шәһиридики “Достлуқ өйидә” Дөләт рәһбири Нурсултан Назарбаевниң «Қазақстанлиқларниң паравәнлигиниң өсүши: тапавәтниң вә турмуш сүпитиниң яхшилиниши» мавзусидики Қазақстан хәлқигә йоллиған Мәктүбини муһакимә қилиш бойичә биртуташ тематикилиқ күн болуп өтти. Униңға җумһурийәтлик этномәдәнийәт мәркәзлириниң әзалири, Алмута шәһәрлик мәслиһәтниң депутатлири, алий оқуш орунлириниң оқутқучилири билән студентлири, ҚХА илмий-тәтқиқат кеңишиниң әзалири вә мәтбуат васитилириниң хадимлири қатнашти. Чарә-тәдбир давамида Дөләт рәһбириниң Мәктүбиниң әң муһим тәрәплири тоғрисида сөз болуп, адәм капиталини яхшилаш, йеңилиниш программилири бойичә билим бериш вә медицина хадимлири хизмитиниң сүпити вә униң қолйетимлигини ашурушқа қаритилған вәзипиләр муһакимә қилинди. Буниңға қошумчә, келәр жилниң «Яшлар жили» дәп елан қилинғанлиғи һәққидиму пикир-тәклипләр оттуриға селинип, яш әвлат вәкиллириниңму бу сәясий җәриянға йеқиндин арилишиши керәклиги алаһидә тәкитләнди. Т.Жүргенов намидики Қазақ миллий сәнъәт академияси мудириниң лавазимини вақитлиқ атқурғучи вә ҚХА йенидики илмий-тәтқиқат кеңишиниң әзаси Шәрипбек Әмирбеков көпчиликкә слайд-шоу арқилиқ Мәктүптә көрситилгән асасий тапшурмиларға әтраплиқ тохтилип, аһалиниң паравәнлиги билән тапавитини ашурушқа бөлүнүватқан мәбләғниң елимизниң ихтисадий тәрәққиятиға чәмбәрчас бағлиқ екәнлигини чүшәндүрүп өтти. Андин Мәктүпни муһакимә қилиш бойичә алаһидә мавзулар билән сөзгә чиққучилар, җүмлидин Алмута шәһәрлик Корей мәдәнийәт мәркизиниң орунбасари Георгий Кан, «Түркмән этномәдәнийәт мәркизи» җәмийәтлик бирләшмисиниң рәиси Гүлнара Аннакулиева, «Нур Отан» партиясиниң Медев наһийәлик шөбиси рәисиниң биринчи орунбасари Меруерт Муканова, Алмута шәһәрлик ҚХА йенидики илмий-тәтқиқат топи рәисиниң орунбасари Светлана Ананьева, җумһурийәтлик Уйғур этномәдәнийәт мәркизи йенидики Уйғур тилида билим беридиған мәктәпләр ассоциациясиниң рәиси, Алмута шәһәрлик мәслиһәтниң депутати Шавкәт Өмәров вә башқилар Мәктүптики Дөләт рәһбириниң барлиқ тапшурмилирини әмәлгә ашурушқа асасий диққәтни бөлүшимиз лазимлиғини тәкитләшти. Ахирида мәрасим қатнашқучилири җумһурийәт даирисидә өтүватқан «Биртуташ тематикилиқ күн» Алмутидиму утуқлуқ аяқлашқанлиғини тәкитләп, уюштурғучилар меһманларға миннәтдарлиқ билдүрди.

436 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы