• «Уйғур авазиниң» сәйилгаһи
• 08 Қараша, 2018

44 пәрзәнт тапқан аял

Африка қитъәсидики Уганда мәмликитиниң турғуни Мариам Набатанци 39 яшқа киргичә 44 пәрзәнт тапқан. Бәхиткә қарши, униң алтиси туғулупла дуниядин өткән. Шуниңға қаримай, Мариам Шәрқий Африкидики «Әң мевилик ана» пәхрий намини елишқа муйәссәр болған. Мариам Набатанци 12 йешида мүҗәзи наһайити еғир адәмгә турмушқа чиққан. У йолдишиниң аһанәт-таяқлириға бәрдашлиқ берип, кәйни-кәйнидин туғушни давамлаштурған. Йәни төрт рәт үч гезәк, үч рәт төрт вә икки гезәк бошанған. Бүгүнки күндә у 10 қиз һәм 28 оғулниң аниси. Уларниң әң чоңи 23 яшта. Мундақ «азапқа» чидалмиған әр аялини ташлап кетишкә мәҗбур болиду. Амма пәрзәнтлиригә чин муһәббәт бағлиған Мариам һәрқандақ қийинчилиққа дуч кәлсиму, балилиридин айрилишни халимайду. У пәқәт бу еғирчилиқтин қутулуш үчүн иҗтимаий торлар арқилиқ кәң аммиға чиқип, ярдәм сориған. Көпбалилиқ аниниң зариға инкас билдүргән жутдиши Каро Ому Facebook торидин мәхсус сәһипә ечип, көпчиликни хәйрихаһлиққа чақирған.