• «Уйғур авазиниң» сәйилгаһи
  • 08 Қараша, 2018

Бала тәрбийиси һәққидә

Балиларни чоң қилип, тәрбийиләп, қатарға қошуш – ата-аниниң асасий мәҗбурийитила әмәс, муқәддәс борчи. Әгәр пәрзәнтлиримизни һәддидин зиядә әркилитип, һәммә ишта уларниң мәйлигә беқип, һәрқандақ тәливини орунлавәрсәк, өзимиз сәзмигән һалда уларда начар адәтни йетилдүрүп қойимиз. Йошуридиғини йоқки, балилар әтигән орнидин турғанда кийимини кийдүрүп, тамиғини тәйяр қилип бәргәнни аз дәп, йәнә йегүзүп қойимиз. Бәзидә әр йетип қалған балилиримизниң кир-қатлирини жуюп, өйлүк-очақлиқ болғанлириниң балилирини бақимиз. Уни аз дегәндәк, һасирап- һөмүдәп жүрүп, бир-икки вақлиқ тамиғиниму тәйярлап беримиз. Балилиримиз техи хизмитиниң алдирашлиғини, барди-кәлдиниң көплигини банә қилип, нәвриләрни ташлап қоюп кетип қалиду. Ақивәттә һәддидин зиядә көйүнгәнлигимиз түпәйли, улар көйүмсиз, бекартәләп, тәрса, “мениңла раст” дәп дегинини қилидиған, қолидин түзүк иш кәлмәйдиған, йоқилаң сәвәпләр билән җедәл терийдиған болуп йетилиду. Сөзүмизниң испатсиз болмаслиғи үчүн мону бир мисални кәлтүрүп өтсәк, купайә. Бир җүп ата-ана балисини наһайити әркә өстүриду. Униң еғизидин чиққинини қилип бериду, балағәткә йетип, өйләп қойғандин кейинму аилисини ун, гөш, көктат қатарлиқ турмуш лазимәтликлири билән тәминләп туриду. Балиниң бошлуғи шунчиликки, униңға иш тепип бәрсиму, идриги, қабилийити, қизиқиши болмиғачқа, задила қамлаштуралмайду. Қолидин һеч иш кәлмигәндин кейин ата-аниси “қиракәшлик қилип болсиму җенини бақсун” дегән нийәттә тапқан-тәргинини жиғип, машина елип бериду. Әпсус, бала бу имканийәттинму пайдиланалмай, бирәр һалакәткә учриса яки машиниси бузулуп қалса, дәрһал дадисиға телефон берип, чиқимини төләткүзидекән. Жуқуридики мисалдин көрүп турғинимиздәк, балини һәддидин зиядә әтивалап чоң қилиш яхшилиққа елип кәлмәйду. Раст, пәрзәнткә чин муһәббәт бағлап сөйүшимиз, униң отида көйүшимиз керәк. Амма униң чекиниң барлиғи һәққидиму унтумиғинимиз әвзәл. Балиларни өз күчигә тайинип иш қилидиған, риқабәткә қабил қилип тәрбийиләш үчүн, уларни турмушниң иссиқ-соғида тавлиғинимиз тоғра.

46 рет

көрсетілді

0

пікір
Алдыңғы мақала 44 пәрзәнт тапқан аял
Келесі мақала Муваппәқийәт қазинишниң сири

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

14 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы