• Спорт
• 08 Қараша, 2018

Раминани «Жетісуға» тәклип қилди

Бәхтишат СОПИЕВ, «Уйғур авази» Җамбул наһийәлик Уйғур этномәдәнийәт мәркизиниң рәиси Рустәм Райимов билән мәзкүр наһийәниң баш жигитбеши Мәхсүт Нәзәров пат-пат телефон қилип, Узунағаш йезисидики йеңилиқларни бизгә ейтип туриду (уйғурлар асасән наһийә мәркизи – Узунағашта яшайду – Б.С.). Бу қетим улар Абай намидики оттура мәктәпниң 10-синип оқуғучиси Рамина Ярмәһәмәтованиң (сүрәттә) қол йәткүзгән утуқлири билән бөлүшти. У ата-анисинила әмәс, жутдашлириниң бешини көккә йәткүзүпту. Рамина 9 йешидин волейбол билән шуғуллинидекән. У кичигидинла наһийә дәриҗисидә тонулушқа башлапту. Дәсләпки күнләрдинла мәшиқләндүргүчиләрниң көзигә чүшкән Раминаниң спортниң мәзкүр түри бойичә қол йәткүзгән утуқлири көп. Бүгүнки күндә у өсмүрләрниң Алмута вилайәтлик талланма командисида ойнайдекән. Бийил мәзкүр команда өсмүрләр арисида өткән язлиқ мусабиқидә биринчи орунға еришипту. Бу мусабиқидә Рамина өзиниң алаһидә маһаритини намайиш қилған охшайду. Мәшиқләндүргүчиләр билән команда әзалириниң пикри шундақ. Рамина биз билән болған учришишқа ахирқи қетим әйнә шу җумһурийәтлик турнирдин әкәлгән медали билән Пәхрий ярлиғинила елип кәпту. Дадиси Халмәмәтниң ейтишичә, униң бөлмиси наһийәлик, вилайәтлик турнирлардин алған медальлар билән пәхрий ярлиқларға толған. Амма Рамина кичигидин кәмтар. Һазир Раминани «Жетысу» волейбол клуби тәклип қиливетипту. Буниму биз мәркәз рәисиниң еғизидин аңлидуқ. Җамбул наһийәси.