• Асасий мақалилар
  • 08 Қараша, 2018

Һөкүмәт башлиқлири билән учрашти

Қазақстан Президенти МДҺға қатнашқучи әлләр һөкүмәтлири башлиқлири кеңишиниң әзалири билән учрашти. Учришишқа Қазақстан Җумһурийитиниң, Әзәрбәйҗан Җумһурийитиниң, Беларусь Җумһурийитиниң, Қирғиз Җумһурийитиниң, Өзбәкстан Җумһурийитиниң, Таҗикстан Җумһурийитиниң Премьер-министрлири — Бахытжан Сағынтаев, Новруз Мамедов, Сергей Румас, Мухаммедкалый Әбылғазиев, Абдулла Арипов, Кохир Расулзадә, Россия Федерацияси Һөкүмитиниң Рәиси Дмитрий Медведев, Әрмәнстан Җумһурийитиниң биринчи вице-премьери Арарат Мирзоян, Түркмәнстан Министрлар кабинети рәисиниң орунбасари Гочмурад Мурадов, МДҺ Иҗраий комитетиниң рәиси – иҗраий кативи Сергей Лебедев қатнашти. Қазақстан Президенти МДҺға қатнашқучи мәмликәтләр делегациялириниң рәһбәрлиригә илтипат билдүрүп, өткүзүлүватқан кеңәш мәҗлисиниң Һәмдостлуқ дөләтлириниң һәмкарлиғини мустәһкәмләштә алаһидә әһмийәткә егә екәнлигини тәкитлиди. – Силәр һөкүмәт башлиқлири кеңишиниң даирисидики новәттики учришишқа қатнишисиләр. Мәҗлисниң күн тәртивигә 15 ениқ әмәлий мәсилә киргүзүлди. Мәзкүр чарә-тәдбирниң өзара пайдилиқ мунасивәтләрни техиму тәрәққий әткүзүшкә һәссә қошидиғанлиғиға ишинимән, – деди Нурсултан Назарбаев. Дөләт рәһбири МДҺ мәмликәтлири оттурисида сода-ихтисадий алақиларни тәрәққий әткүзүшниң муһим екәнлигини тәкитлиди. Чарәк әсирдин ошуқ вақит ичидә МДҺ толуқ мәзмунлуқ тәшкилат сүпитидә шәкиллинип, хәлиқләр оттурисидики тарихий алақини сақлап қелишқа вә һәрбир мәмликәтниң суверинетини күчәйтишкә имканийәт яратти. Һазир һәмдостлуқ даирисидики өзара һәрикәт техиму әһмийәткә егә болуватиду. МДҺ ичидә өзара сода өсүватиду. Өткән жили товар айлиниминиң көләми 164 миллиард АҚШ доллирини тәшкил қилип, 25 пайиз өсти. Мундақ тенденция бийилму давамлишиватиду, — дәп билдүрди Қазақстан Президенти. Нурсултан Назарбаев шундақла МДҺ Дөләтлири башлиқлири кеңишиниң өткән мәҗлисиниң нәтиҗилиригә тохталди. Биз тәшкилатимизни күчәйтиш мәсилилирини қаридуқ. Бу уни йеңилаш җәриянини илгирилитишни өз ичигә алиду, йеңилаш җәрияни болса, ишниң нәтиҗидарлиғини ашурушқа вә һазирқи шараитқа көнүкүшкә қаритилған. Һәмдостлуқ даирисидә ихтисадий кооперацияни кәңәйтиш үчүн Ихтисадий тәрәққият стратегиясини актуаллаштурушниң вә қобул қилинған МДҺ мәмликәтлириниң әркин сода хизмәтлири тоғрилиқ келишим лайиһилирини чапсанлитиш атап көрситилди, — дәп тәкитлиди Дөләт рәһбири. Қазақстан Президенти униңдин ташқири Дөләт башлиқлири кеңишиниң Дүшәнбидә өткән мәҗлисидә ейтилған йеңи тәклипләрни муһакимә қилишниң йәкүни тоғрилиқ сөзләп бәрди. Уларниң арисида Һәмдостлуқ даирисидә сода тосалғулуқлирини елип ташлаш, транспорт- логистика вә туристик саһалардики өзара һәрикәтниң нәтиҗидарлиғини ашуруш, космос саһасидики лайиһиләрни әмәлгә ашуруш, рәқәмлик ихтисатни тәрәққий әткүзүш вә инновациялик қарарларни пайдилиниш тоғрилиқ тәклипләр бар. Нурсултан Назарбаев сөзиниң ахирида Дөләт башлиқлириниң кеңишидә оттуриға қоюлған тәклипләрни әмәлгә ашуруш бойичә әмәлий ишни жүргүзүшниң зөрүр екәнлигини атап көрсәтти. — Барлиқ йөнилишләр бойичә нәтиҗидарлиқ чариләр комплексини ишләп чиқиш муһим вәзипә болуп һесаплиниду. Мәзкүр тәшәббусларни әмәлгә ашуруш пәқәт ихтисадий тәрәққиятқа ярдәм қилипла қоймай, бәлки дөләтлиримиз оттурисидики достлуқ вә турақлиқ мунасивәтләрни мустәһкәмләшниң муһим амилиға айлиниду, – деди Қазақстан Президенти. Учришишта шундақла Қазақстан Премьер-министри Бақытжан Сағынтаев, Россия Федерацияси һөкүмитиниң Рәиси Дмитрий Медведев сөзгә чиқти.

40 рет

көрсетілді

0

пікір
Алдыңғы мақала Ениқ тапшурмилар берилди
Келесі мақала Astana Hub – инновациялик экосистема асаси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы