• Хуш хәвәр
• 22 Қараша, 2018

Яш юлтузлар

Сабирәм ӘНВӘРОВА, «Уйғур авази» «Жетісу жұлдыздары-2018» намлиқ балилар конкурси бийилму жуқури дәриҗидә өтти. Бу қетим мәзкүр көрүктә Уйғур наһийәсиниң шәнини Ерулан Султанбек билән Шахина Әхмәтова қоғдиди. Қирғизсай оттура мәктивиниң 7-синип оқуғучиси Ерулан Султанбек қазақниң қутлуқ домбриси билән миллий нахшиларни бабиға йәткүзүп орунлап, қазиларни қайил қилса, 1-Чонҗа оттура мәктивиниң 4-синип оқуғучиси Шахина Әхмәтова қазақ хәлқиниң миллий уссулини сәһнигә елип чиқти. Шахинаниң житим қизниң һаятини вә униң ата-анисиға болған сеғинишини ипадиләйдиған әҗайип мәзмунлуқ уссули көпчиликни тәсирләндүрмәй қоймиди. Конкурсқа қатнашқан икки жутдишимиз алдинқи орунларға еришип, вилайәт һакиминиң мукапитини йеңивалди. Биз бу яш чолпанлиримизниң келәчәктә чоң сәһниләрдин көрүнүп, елимизни аләмгә тонутидиған даңлиқ сәнъәткарлардин болушиға тиләкдашлиқ билдүримиз.