• Асасий мақалилар
• 06 Желтоқсан, 2018

Бехәтәрликкә тәсир қилидиған ташқи амиллар муһакимә қилинди

Нурсултан Назарбаев Қазақстан Җумһурийити Бехәтәрлик Кеңишиниң мәҗлисини өткүзди. Мәҗлистә ташқи амилларниң миллий бехәтәрликкә болған тәсири вә мудапиә саһасидики дөләт сәяситиниң әмәлгә ашурулуши бойичә мәсилиләр муһакимә қилинди. – Қазақстанға тәсир қилидиған ташқи амилларниң бар екәнлигини һәммимиз билимиз. Россия вә АҚШ оттурисидики санкциялик қариму-қаршилиқ, Хитай вә АҚШ оттурисидики сода тоқунушлири, Сириядики әһвал вә башқа вәзийәтләр шулар җүмлисидиндур. Әйнә шуниңға бағлиқ биз мәсилиләрни муһакимә қилип, тегишлик чариләрни көрүшимиз керәк, – деди Қазақстан Президенти. Күн тәртивидики иккинчи мавзуни муһакимә қилиш давамида мудапиә министри Нурлан Ермекбаевниң Қураллиқ Күчләрниң бийилқи оқуш жилидики җәңгивар тәйярлиғиниң вә өткүзүлгән мәшиқләрниң асасий йәкүнлири, шундақла әскәрләрниң җәңгиварлиқ тәйярлиғини күчәйтиш бойичә көрүлүватқан чариләрниң нәтиҗилири тоғрилиқ доклади тиңшалди. Униңдин ташқири мәҗлистә мудапиә санаити карханилирини йеңилаш вә мудапиә мәһсулатиниң йеңи түрлириниң ишләп чиқирилишини өзләштүрүш бойичә тәклипләр қаралди. Нурсултан Назарбаев мәҗлис йәкүни бойичә бирқатар ениқ тапшурмиларни бәрди.