- Барикалла!
- 13 Желтоқсан, 2018
Елимизниң шәнини көтәрди
Рашидәм МИРЗӘХМӘТОВА,
«Уйғур авази»
Мәзкүр форумниң даирисидә уюштурулған илмий конференциядә елимизгә вакаләтлик қилған қабилийәтлик яшлиримиз – Ақтөбидики Марат Оспанов намидики Ғәрбий Қазақстан дөләт медицина университетиниң ІІІ курс студентлири Арман Әсмәтов (оңда) билән Нурсултан Бурпиевниң «Ишемия ағриғида жүрәк қан-томурлириниң зәхмилинишиниң клиникилиқ-тәҗрибилик алаһидиликлири» мавзусидики доклади студентларниң илмий әмгәклири бойичә өткүзүлгән конкурста биринчи орунни егилиди. Уларға илмий программиға қатнашқанлиғини тәстиқләйдиған сертификат, І дәриҗилик диплом вә өзлири билим еливатқан билим дәргаһиниң ректори намиға Тәшәккүрнамә тапшурулди.
Ейтмақчи, мәзкүр илмий әмгәк өткән жили университет даирисидә муһакимидин өтүп, мәхсус грантқа тәвсийә қилинған. Лайиһиниң илмий рәһбири – медицина пәнлириниң намзити, профессор Гүлмира Жорабекова. Мошу йәрдә шуни тәкитләп өткүмиз келидуки, мустәқил Қазақстан дөлитиниң шәнини һәшләргә көтәргән уйғур пәрзәнди Арман Әсмәтов Уйғур наһийәси 1-Чонҗа оттура мәктивиниң түлиги. Әлачи студент болуши билән биллә университеттики җәмийәтлик ишларниң активисти.
— Мениң бүгүнкидәк чоң утуқларға йетишимгә сәвәп болған ата-анам Тельман билән Зәйнәпбүвигә, кичик апам вә кичик дадам Тиләпҗан вә Гүлзадәм Ибрагимовларға, пухта билим бәргән мәктәптики һәм университеттики устазлиримға чәксиз миннәтдарлиғимни билдүримән, – дәйду Арман.
240 рет
көрсетілді0
пікір