• «Уйғур авазиниң» сәйилгаһи
  • 30 Қаңтар, 2019

Миннәтдарлиқниң сехрий күчи

Миннәтдарлиқ − маддий вә мәнивий җәһәттин ярдәмгә, ғәмхорлуққа еришкәнләрниң қарши тәрәпкә билдүргән сәмимий ипадиси. Риқабәт кәскинлишиватқан бүгүнки күндә турмуш, үгиниш, хизмәт, иҗтимаий алақә җәриянида һәр саһа, һәр кәсиптикиләр билән мунасивәт орнитишқа тоғра келиду. Бәзилири билән һәмкарлишимиз, айримлириниң қоллишиға еришимиз, йәнә бирлириниң ярдимигә муйәссәр болимиз. Лазим болғанда бизму ярдәм қолумизни сунимиз. Муһими, әтрапимиздики пакнийәтлик кишиләрниң ярдимигә, көйүмчан достлиримизниң һимайисигә, мәсъулийәтчан устаз яки рәһбәрлиримизниң ғәмхорлуғиға, кәсипдашлиримизниң йетәклишигә еришкинимиздә, шу қәдирданларға чин қәлбимиздин рәхмәт ейтишни унтуп қалмаслиғимиз керәк. Умумән, кишиләрниң маддий вә мәнивий ярдимигә немә сәвәп, қайси шәкил билән еришишимиздин қәтъий нәзәр, қарши тәрәпкә сәмимий алқишимизни билдүрүшни өзимизниң инсаний борчимиз дәп билишимиз шәрт. Шу нәрсә ениқки, биз мәлум бир һаҗәтмәнгә халис ярдәм қолумизни сунғинимизда, униң сәмимийлик билән билдүргән миннәтдарлиғини көргинимиздә яки аңлиғинимизда көңлимиз көтирилип, хошаллиққа чөмүп, өзимизгә болған ишәнчә улғийип, дилимизда техиму көп яхшилиқларни қилиштин ибарәт бүйүк арманлиримиз бихлиниду. Есимиздә болсунки, «рәхмәт» дегән бир еғиз сөзимиз, билдүргән миннәтдарлиғимиз бизниң йолумизни раван, ишимизни асан қилиду. Шуниң билән биллә бизни әтрапимиздикиләрниң йәниму қоллишиға, етирап қилишиға ериштүриду. Мана бу — миннәтдарлиқниң сехрий күчи.  

281 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы