• «Уйғур авазиниң» сәйилгаһи
• 30 Қаңтар, 2019

Ана тил мәктиви ечилди

«Әркин Азия» радиосиниң хәвиригә қариғанда, 19-январь күни Германияниң Карлсрух шәһиридә ечилған «Тәңритағ ғунчилири» ана тил мәктиви рәсмий рәвиштә өз паалийитини башлиди. Тунҗа дәристә оқуғучиларниң уйғур тилини мукәммәлләштүрүшигә һәм немис тилини үгинишигә алаһидә диққәт ағдурулди. Дөләтниң тәстиқлиши вә маддий ярдими билән өз ишигини ачқан мәзкүр билим дәргаһиниң оқутқучиси Рабийә Абла ханимниң билдүрүшичә, өз ишини икки синип билән башлиған йеңи мәктәптә дәрисләр уйғурларниң миллий һәм диний кимлигигә аит мавзулар асасида бәш түргә бөлүнүп оқутулидиған болиду. «Тәңритағ ғунчилири» ана тил мәктивигә дәсләп қәдәм тәшрип қилған оқуғучиларниң бири Нилуфәр ханим мәзкүр оқуш орниниң бәрпа болушиға күч чиқарған барлиқ миллитимиз җанкөйәрлиригә өзи истиқамәт қилидиған Карлсрух шәһиридики уйғур җамаәтчилиги намидин чәксиз миннәтдарлиғини билдүрди.