- Спорт
- 30 Қаңтар, 2019
Яш палванға утуқ тиләймиз
Қайси саһадила болсун, бирәр утуқ-муваппақийәткә йәткән өсмүрләрни көргинимиздә бешимиз көккә йетиду, әлвәттә. Бүгүнки күндә яшлиримиз арисида спортта егиз пәллиләргә қол йәткүзүватқанларму йетәрлик. Әйнә шуларниң бири – Әлиәсқәр Әсқәров.
Әлиәсқәр Талғир наһийәсиниң Қизил Туғ йезисидики 24-оттура мәктәпниң 3-синип оқуғучиси. Кичигидин чәбдәс вә тиришчан гөдәк шәриқниң күрәш түрлириниң бири ушу-саньда бойичә көплигән утуқларға қол йәткүзүп үлгәрди У бүгүнки күнгә қәдәр балилар вә өсмүрләр арисида өткүзүлгән Қазақстан чемпионатиниң, Азия чемпионатиниң бирнәччә дүркүн хәлиқара турнирларниң чемпиони. «MІX COMBAT» вә «JEET KUNE DO» дәриҗилик қарабәлбағниң саһиби.
Тәкитләш лазимки, у пәқәт ушу-саньда биләнла чәклинип қалмай, күрәшниң башқа түрлири биләнму мәшиқлиниду. Йеқинда яш палван кикбоксинг вә тайбоксинг бойичә март ейида Таиландниң пайтәхти Бангкок шәһиридә өтидиған Хәлиқара турнирға тәклип қилинди.
Әлиәсқәр ушбу мусабиқигә тәйярлиғини һазирдинла башлавәтти. Мабада яш спортчиға маддий җәһәттин яр-йөләк болидиған сахавәтлик инсанлар тепилип қалса, Әлиәсқәрниң хәлиқара турнирдин қуруқ қол қайтмайдиғанлиғиға ишәнчимиз камил.
Абдулҗан АЗНИБАҚИЕВ.
Талғир наһийәси.
171 рет
көрсетілді0
пікір