- «Уйғур авазиниң» сәйилгаһи
- 06 Ақпан, 2019
Пакстандики уйғурлар өз мәдәнийитини қандақ сақлайду?
Буниңдин бирнәччә жил илгири ВВС агентлиғиниң мухбири Шумаила Жаффирей «Пакстандики уйғурлар өз мәдәнийитини қандақ сақлайду?» намлиқ мақалини елан қилған. Униңда уйғурларниң мәмликәтниң шималидики Гилгит тағлиқ райониға келип орунлишиш җәрияни, жут-маканлиридин айрилиш сәвәплири, шундақла мәдәнийитини, тилини вә урпи-адәтлирини қандақ сақлаватқанлиғи һәққидә йезилған.
71 яшлиқ Нисахан исимлиқ уйғур ана мухбирға уйғурларға хас услубта чай тутуп, Қәшқәрдин ата-аниси билән жүк-тақлирини ешәккә артип, қарлиқ тағ-чоққиларни бесип, 50 күн җапа-мәшәқәтлик йол жүрүп, Пакстанға кәлгәнлигини ейтқан. Йәнә бир уйғур мөтивәри мәрһум Мәмәтҗан һаҗимниң оғли 70 яшлиқ Абдуләзиз әпәнди 1940-жилдин башлап бовисиниң Қәшқәр билән Пакстан арилиғида тиҗарәт қилғанлиғини, шу пәйтләрдә, мәлум сәвәпләргә бола, Гилгиттә туруп қалғанлиғини баян қилған. Ақсақал шундақла өзлирини гилгитлиқларниң қизғинлиқ билән өз бағриға алғанлиғини, бовиси тиклигән тиҗарәтни атиси билән бирликтә һазирғичә давамлаштуруп, хатирҗәм яшаватқанлиғини билдүргән. Абдуләзиз әпәнди сөһбәт җәриянида аилидә пәрзәнт вә нәврилиригә дайим уйғур мәдәнийитигә аит илимлар һәққидә ейтип туридиғанлиғини тәкитлигән.
111 рет
көрсетілді0
пікір