• Һасан-һүсән
  • 13 Ақпан, 2019

Оқуғучилар иҗадийитидин

Гүл Гүл ишқида гүлчи қиз Гүлгә ишләп һармайду. Гүлханни көргән кишиләр «Гүлстан» дәп махтайду. Дилхума ТУРСУНҖАНОВА, Җ.Босақов намидики Чулуқай оттура мәктивиниң 4-синип оқуғучиси. Панфилов наһийәси. Ким һәммидин қиммәт? Қәлби йоруқ Қуяштәк Меһри чәксиз муһиттәк. Чеһридин нур чақниған Ата-анам бәк қиммәт. Йөләр әгәр жиқилсам, Сүртәр йешим – жиғлисам. Қериндишим, җигәрим, Акам, һәдәм бәк қиммәт. Җаһангәр ҺАСАНОВ, Җ.Босақов намидики Чулуқай оттура мәктивиниң 3-синип оқуғучиси. Панфилов наһийәси. Кәлди күз Хаман толуп ашлиққа, Деханлар һөзүр алди. Тәбиәт һәм өзгирип, Балилар хошал болди. Гүлзадәм АЛИМОВА, Җ.Босақов намидики Чулуқай оттура мәктивиниң 3-синип оқуғучиси. Панфилов наһийәси. Мениң укам Татлиқ укам бар мениң, Исми униң Шахсултан. Оюнчуғи көп униң, Ойнар өзи бир убдан. Шахмина ВИЛИЯРОВА, Җ.Босақов намидики Чулуқай оттура мәктивиниң 4-синип оқуғучиси. Панфилов наһийәси. Қиш Қиш келиду ақ тонини йепинип, Қар пүркинип ухлап қалар бағлирим. Чаңғу тейилип, қар етишип, шатлинип, Сап һавада хушвақ өтәр чағлирим. Дилмурат МАХМУТОВ, Җ.Босақов намидики Чулуқай оттура мәктивиниң 3-синип оқуғучиси. Панфилов наһийәси. Устазим Сиз тәкши көңүл бөлүп һәммимизгә, Билимдин чирақ яққан қәлбимизгә. Әҗриң унтулмайду та әбәткә, Бир өмүр тазим қилай, устаз, сизгә. Сиз қолумға дәсләп қәләм тутқузған Яхши-яман, дост-дүшмәнни уққузған. Дилимға илим-пәнниң бағлиридин Сиз рәңму-рәң гүлдәстиләр тутқузған. Болдиңиз анам кәби ғәмхор йөләк, Ким маңа әқил ейтар сиздин бөләк. Мени пәқәт чоққиларға башлиғачқа, “Устазим” дәп соқиду дайим жүрәк. Раһибәм ОЛАЛИМОВА, 21-Гүлдала оттура мәктивиниң 9-синип оқуғучиси. Талғир наһийәси. Қиш Қиш келип сулар тоңлап, Әйнәк охшаш рәң алди. Қиш бовай қизил бөктә, Соғиларни тарқатти. Балилар чана тейилип, Һеч һармастин ойниди. Тәрлисиму қизиқип, Һеч оюнға тоймиди. Ислам ПӘЙЗУЛЛАЕВ, 21-Гүлдала оттура мәктивиниң 8-синип оқуғучиси. Талғир наһийәси. Ана жутум Йезам тағ бағриға җайлашқан, Инақлиғи хәлқимниң ярашқан. Сирлиқ Әвлия чоққа тағлириға Барлиқ жутлар зоқлинип қарашқан. Ана Җеним, ана, сәнсиз яшаш қайда маңа? Узақ өмүр яхшилиқ тиләймән, саңа. Орунлиғай мошу сәбий тилигимни Меһриван яратқан улуқ егәм, Алла. Пәқәт сәнла яхши көрисән бизни, Тәрбийиләп инсап тиләп төрт қизиңни. Қолуңни көсәй, сүпәргә қилип чечиңни, Кечә-күндүз қилисән тинмай ишиңни. Қуллаққа қисип, дайим сениң һәқ сөзүңни, Ақлаймиз аппақ, сүт бәргән еқидәңни. “Барчидин қалмисун мошу қизлирим” дәп, Беғишлайсән, анилиқ жүрәк меһриңни. Назугум ҚУДРӘТҖАНОВА, Түгмән уйғур оттура мәктивиниң 7- синип оқуғучиси. Уйғур наһийәси. Ана тилим Ана тилим – улуқ тилим, Қәдри улуқ – дана тилим. Берәр билим асасини Қойсам аңа, чоңқур дилим. Ана тилим – күчлүк тилим, Гөзәл, чирайлиқ әвришим. Тиллар ичидә муһәббәтлик, Уни чоңқур һис қилдим. Сөйимән ана тилимни, Берәр у маңа билимни. Шуңа сақлап тилимни, Үгинимән сансиз илимни. Астана Вәтиним бар Қазақстан, Дуния йүзигә тонулған. Әң чирайлиқ шәһири Астана – униң пайтәхти. Астана – гөзәл шәһәр, Тил йәтмәс тәсвирләшкә. Астана – арман шәһәр, Өзәң берип көрмигүнчә. Лутпуллам АБУЛҚАСИМОВ, Түгмән уйғур оттура мәктивиниң 7-синип оқуғучиси. Уйғур наһийәси. Ана тилим Ана тилим – җан тилим, Сени бәкму сөйүмән. Башқилардәк мәнму һәм, Чин дилимдин көйүмән. Ана тилим – байлиғим, Тик көтәргән байриғим. Хор қилмастин һечкимгә, Келәр сәндә сайриғим. Шаһинур АБДУЛЛАЕВА, Қорам оттура мәктивиниң 6-синип оқуғучиси. Әмгәкчиқазақ наһийәси. Қиш Қиш пәсли кәлди, Хошаллиқ елип. Йәрни қаплиди, Аппақ қар йеғип. Чана, чаңғуда, Дөңдин серилип. Балилар ойнар Көңлин хуш қип. Қиш билән биллә Йеңи жил кәлди. Қиш бовай бизгә Соғилар бәрди. Сабина АБДРАХМАНОВА, Қорам оттура мәктивиниң 6-синип оқуғучиси. Әмгәкчиқазақ наһийәси. Һәдәм Оқуйдиған шәһәрдә, Бир чирайлиқ һәдәм бар. “Яхши оқуймән” дегән, Аңа бәргән вәдәм бар. Исми униң –Зулхумар, Гүлгә у бәкму хумар. “Тил тәгмисун!” дәп момам, Асти аңа тил-тумар. Бовам билән момамниң Еқидисин ақлайду. Яхши оқуған үчүн, Устазлири махтайду. Мән һәдәмни сеғинип, Йоллириға қараймән. “Аман болсун һәрқачан!”, Дәп өмрини тиләймән. Нурәләм ӘКРӘМОВА, Қорам оттура мәктивиниң 8-синип оқуғучиси. Әмгәкчиқазақ наһийәси.

38 рет

көрсетілді

0

пікір
Алдыңғы мақала Чехарда оюни
Келесі мақала Қушлар һәққи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы