• “Дүгләк үстәл”
  • 13 Ақпан, 2019

Түркшунаслар Алмутида баш қошти

Йолдаш МОЛОТОВ, “Уйғур авази” Өткән һәптидә Алмутидики әл-Фараби намидики Қазақ миллий университетида «Тюркская письменность: от рун до латиницы» мавзусида «дүгләк үстәл» өтти. Униңға тонулған түркшунас-алимлар, җәмийәт әрбаплири, шаир-язғучилар, дипломатлар иштрак қилди. «Дүгләк үстәл» даирисидә «Первый Тюркологический съезд 1926 года в Баку. Стенографический отчет» намлиқ китап тонуштурулди. – Мәлумки, түркшунас-алимларниң биринчи қурултийи 1926-жили Баку шәһиридә өткән, – деди “дүгләк үстәл” иштрақчиси «Туран дунияси» җәмийәтлик тәшкилатиниң рәиси Карлин Мәхпиров. – Әйнә шу қурултайға шу вақиттики тонулған алимлар қатнашқан екән. Амма уларниң нурғуни кейинирәк сәясий тәқипләргә учрап, түрмиләргә қамалған. Айрим алимлар етип ташланған еди. Шу сәвәптин Бакуда өткән биринчи қурултайниң йәкүнлири, нәтиҗилири елан қилинмиған екән. Мана шуниңдин бери 93 жил өтүпту. Өткән жили болса, Әзәрбәйҗанда шу қурултайниң иши тоғрилиқ китап нәширдин чиққан еди. 2018-жилниң ахирида әл-Фараби намидики университет делегациясиниң Бакуға болған сәпиридә әйнә шу китапни Қазақстанда чиқириш тоғрилиқ келишимгә қол қоюлди. Китапта наһайити қизиқарлиқ фактлар бар. Түркшунаслар үчүн яхши мәнбә болиду дәп ойлаймән. Тәкитләш лазимки, бийил июльда Астанада Президентниң тәшәббуси билән Түркшунасларниң иккинчи дуниявий конгресси өтиду. Һазир шуниңға тәйярлиқ ишлири жүргүзүлүватиду. «Дүгләк үстәл» даирисидә әйнә шу мәсилиләрму муһакимә қилинди.

46 рет

көрсетілді

0

пікір
Келесі мақала Уйғурларму нәзәрдин сирт қалмиди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы