• Җасарәт — мәңгүлүк
• 20 Ақпан, 2019

Ветеранлар төримиздә

Бийил кеңәш әскәрлири авған йеридин чиқирилғиниға 30 жил толди. Аридин шунчилик вақит өтсиму отлуқ жиллар салған жүрәктики яра техи сақаймиди. Бүгүнки таңда өмрини оқ билән от арисида өткүзгән авған урушиниң ветеранлири бизниң аримизда! Өткәндә Алмута шәһири Мурат Һәмраев намидики 150-мәктәптә авған уруши ветеранлири билән учришиш болуп өтти. Учришишқа Ерликбай Алимқулов, Минәмҗан Асимов, Николай Кремыныш келип, мәктивимизниң оқуғучилириға өзлириниң җәңгивар йоли, бешидин өткүзгән сәргүзәштилири билән бөлүшүп, оқуғучиларниң қизиқтурған соаллириға җавап бәрди. Мәктивимизгә кәлгән авған урушиниң ветеранлириға бу учришишқа қатнишип, яшларға вәтәнпәрвәрлик вә адәмгәрчилик тәрбийә беришкә қошқан үлүши үчүн мәктивимиз намидин мәктәп мудири Гүлмира Тохтахунова өз рәхмитини ейтип, тәшәккүрнамиләрни тапшурди. Саидә ҚУРБАНОВА, мәктәп тәлимгәри.