• Спорт
  • 27 Ақпан, 2019

Бәйнәлмиләл-җәңчиләр хатирисигә беғишланди

Өткән һәптидә җәнубий пайтәхттики 137-оттура мәктәптә ҚҖ Ички ишлар министрлиги «Динамо» мәркизий кеңишиниң уюштуруши вә Жетису наһийәлик һакимийәтниң қоллап-қувәтлиши билән бокс бойичә өсмүрләр арисида Яшлар жилиға вә бәйнәлмиләл-җәңчиләрни хатириләшкә беғишланған җумһурийәтлик турнир болуп өтти. Үч күнгә созулған мәзкүр мусабиқигә елимизниң җай-җайлиридин 94 спортчи қатнашти. Шәмшидин АЮПОВ, «Уйғур авази» Турнирниң ечилиш тәнтәнисидә сөз алған «Динамо» мәркизий кеңишиниң башлиғи, полиция полковниги Николай Князев, полковник Александр Дроботов, «Metall Prom Group» ҖЧЙниң мудири Долқунтай Абдухелил, Қазақстан Җумһурийитиниң хизмәт көрсәткән мәшиқләндүр-гүчиси Серик Абдиналиев, Жетису наһийәлик спорт комитетиниң рәиси Усербай Бекмуратов вә башқилар мусабиқә иштракчилирини қизғин тәбрикләп, яш боксчиларға утуқ тилиди. Кәскин күрәш роһида өткән турнирниң финалида 42 боксчи топтин озуп, мукапатлиқ орунлардин көрүнсә, «Султан» спорт клубиниң боксчилири – Хамза Мади, Имран Муһәммәтҗанов вә Армат Арманулы биринчи орунни елишқа муйәссәр болди. Өз салмақ дәриҗиси бойичә мукапатлиқ орунларни егилигәнләр қатарида уйғур жигитлириму бар. Турнир җәриянида бир топ бәйнәлмиләл-җәңчиләргә кеңәш әскәрлириниң Авғанстан йеридин чиқирилғиниға 30 жил толуши мунасивити билән хатирә медали тапшурулса, Қазақстан Җумһурийитиниң хизмәт көрсәткән мәшиқләндүргүчиси, хәлиқара дәриҗидики судья Рәхимҗан Садиқов «Моңғолстанниң Пәхрий динамочи-спортчиси» ордени билән тәғдирләнди. Алмута шәһири.

59 рет

көрсетілді

0

пікір
Алдыңғы мақала Чоңларниң мусабиқиси
Келесі мақала Устаз роһини хуш қилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы