• 1-март – Миннәтдарлиқ күни
  • 27 Ақпан, 2019

Жуқури баһасини бәрди

Рашидәм МИРЗӘХМӘТОВА, «Уйғур авази» Қазақстан хәлқи Ассамблеяси Рәисиниң орунбасари – Кативат рәһбири Леонид Прокопенко йеқинда Алмутидики “Достлуқ өйидә” җумһурийәтлик Уйғур этномәдәнийәт мәркизиниң, җүмлидин униң Алмута шәһәрлик шөбисиниң рәһбәрлирини қобул қилди. ҖУЭМ рәисиниң орунбасари, җумһурийәтлик “Уйғур авази” гезитиниң баш муһәррири Ершат Әсмәтов, ҖУЭМ Алмута шәһәрлик шөбисиниң рәиси Әбәйдуллам Җаппаров, униң орунбасарлири Долқунтай Абдухелил вә Рустәм Хәйриев ҚХА Рәисиниң орунбасариға новәт билән мәркәз тәрипидин әмәлгә ашурулған вә келәчәккә реҗиләнгән ишлири һәққидә әтраплиқ әхбарат бәрди. Андин Леонид Андреевич пүткүл Қазақстан уйғурлириға вакаләтлик қиливатқан җумһурийәтлик Уйғур этномәдәнийәт мәркизиниң паалийитини җуқури баһалап, униң техиму жуқури пәллиләрдин көрүнүшигә тиләкдашлиғини билдүрди. Өзәңлар көрүп турғинидәк, Қазақстан хәлқи Ассамблеясиниң җан томури болған миллий мәдәнийәт мәркәзлири арисида Қазақстан Җумһурийити Парламенти Мәҗлисиниң депутати, ҚХА Кеңишиниң әзаси Шаһимәрдан Нурумов башқуруп келиватқан ҖУЭМниң роли вә аброй-инавити алаһидә. Униң Алмута шәһәрлик шөбисиму икки-үч айниң ичидә тилға аларлиқ ишларни әмәлгә ашурди. Мошуниң һәммиси Дөләт рәһбириниң елимиздә истиқамәт қиливатқан барлиқ милләтләрниң һәртәрәплимә тәрәққий етишигә қаритилған дана сәяситиниң, өз новитидә қазақстанлиқ уйғурларниң бирлик-иттипақлиғиниң, вәтинигә болған садақитиниң нәтиҗисидур. Дунияниң һечбир мәмликитидә йоқ шәрт-шараитни бизгә яритип бериватқан Қазақ елигә, шәхсән униң Президенти Н.Ә. Назарбаевқа чәксиз миннәтдарлиғимизни билдүримиз.

64 рет

көрсетілді

0

пікір
Алдыңғы мақала Қазақстан — келәчиги парлақ мәмликәт
Келесі мақала Мустәқил елим билән пәхирлинимән

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

25 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы