• 1-март – Миннәтдарлиқ күни
  • 27 Ақпан, 2019

«Ата-анам билән «Уйғур авазидин» чәксиз разимән»

Бәхтишат СОПИЕВ, «Уйғур авази» Миннәтдарлиқ күни һарписида җумһурийәтлик Уйғур этномәдәнийәт мәркизи Алмута шәһәрлик шөбисиниң, шундақла Медев наһийәлик Уйғур этномәдәнийәт мәркизиниң уюштуруши билән Горный Гигант мәһәллисидики «Дилназ» кафесида мәзкүр наһийәдә истиқамәт қилидиған уйғур яшлири бир топ уйғур зиялилири билән учрашти. ҖУЭМниң Алмута шәһәрлик шөбиси рәисиниң орунбасари Сабит һаҗим Йүсүпов учришиш тизгинини қолиға елип, меһманларни яшларға тонуштурди. Меһманларниң хаһиши билән дәсләпки сөз саһипханларға, йәни яшларға берилди. Медев наһийәлик Уйғур этномәдәнийәт мәркизиниң рәиси Ниҗат Қараев горныйгигантлиқ уйғур яшлири тәрипидин әмәлгә ашурулуватқан ишларға тохтилип, қиммәт вақтини бөлүп, яшлар билән учришишқа кәлгән язғучи Әхмәтҗан Һашири, алим Шерипҗан Надиров, язғучи Исмайилҗан Иминовқа өзлириниң миннәтдарлиғини изһар қилди. – Бу акилиримизни илгири гезит яки китаплардин оқуп жүргән болсақ, бүгүн улар билән үзму-үз көрүшүш имканийитигә егә болдуқ, – деди Ниҗат Қараев. – Биз «житим» әмәс екән, буниңдин кейин һәрқандақ ишни силәрниң мәслиһитиңлар билән әмәлгә ашуримиз. Өткән жили биз «Уйғур авазиниң» муштирилар санини көпәйтишкә күч чиқардуқ. Башқа ишларғиму һәрқачан тәйяр. Меһманлардин язғучи-драматург, Қазақстанниң хизмәт көрсәткән әрбаби Әхмәтҗан Һашири яшларни китап оқушқа чақирса, география пәнлириниң доктори Шерипҗан Надиров уларға әң алди билән пухта билим елиш һаҗәтлигини чүшәндүрди. Сәяһәтчи-язғучи Исмайилҗан Иминов ана тилини қәдирләшкә дәвәт қилди. – Мениң тәғдирим өзгичә, һечкимниңкигә охшимайду, – деди яшларға Исмайилҗан Иминов. – Мән рус мәктивидә оқудум. Вақит өтүп, бирнәччә жил шу мәктәпкә мудирлиқ қилдим. Әллик яштин кейин қолумға қәләм елип, иҗадийәт билән шуғуллиниватимән. Русчә язимән. Амма ана тилимни унтуғиним йоқ. Бу йәрдә мениң ата-анам билән илгәрки «Коммунизм туғи», һазирқи «Уйғур авази» гезитиға миннәтдарлиғим чәксиз. Әйнә шундақ иллиқ инкаслар билән давамлашқан учришишта җумһурийәтлик “Уйғур авази” гезитиниң баш муһәррири Ершат Әсмәтов гезит тарилиминиң көпийишигә мунасип үлүш қошқан бир топ горныйгигантлиқ яшларни «Уйғур авази» гезитиниң Пәхрий ярлиқлири билән тәғдирлиди.

89 рет

көрсетілді

0

пікір
Алдыңғы мақала «Яшлар қорқумсиз болуши керәк»
Келесі мақала Һаятниң азатлиқтәк татлиғи йоқ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы