• 1-март – Миннәтдарлиқ күни
  • 27 Ақпан, 2019

Һаятниң азатлиқтәк татлиғи йоқ

«Бири қоғлап, бири бағлап тартмиса, Ишт чеғида угисидин кәтмигәй». Ейтай десәм дилимдики дәрдимни, Бағрим, саңа йетәрму, йә йәтмигәй?! Бир чағ әзиз бу бешимға күн чүшкәч, Әлни ташлап, тиләп чиқтим паналиқ. Бу җаһанда бармекинтаң билмәймән, Буниңдинму артуқ йүзи қарилиқ!.. Болмисиғу сәнму мәндәк дәртмәндиң, Бағрим Қазақ, һисдашлиққа яридиң! «Кәл бағрим!» – дәп қучақ ечип, қарши еп, Қериндашлиқ-қандашлиққа яридиң. Бизни бөлүп турған пәқәт тикән сим, Гирәләшкән Уйғур, Қазақ елимиз. Сән Мәһмудни әллама дәп билгәндәк, Биз Абайни әвлия дәп билимиз... «Аллаһниң өзидә рас, сөзидә рас!» Дәп ядлап чиққандиғу бу тилимиз. Тилимиз түгүл бирғу пак динимиз, Динимиз түгүл бирғу ақ дилимиз... Бағрим Қазақ, сениң баркән амитиң, Қанға-қанчә патқан мәндәк қамитиң! Болмисиғу улуқ Абай, Мухтәрни Учум қилған әмәсмеди қанитиң. Ақпашаға тәслим боп, тиз пүкмигән, Тазабәк батуруңни тонудиңму?! Ақ ейиқ, әҗдиһадин тәп тартмиған, Османниң кимлигини соридиңму?! Әлахан Тазабәкни тутуп бәрмәй, Әслидә чин достлуққа яриғанди. Ақпаша намәртлик қип, бесип кирип, Уйғурни бар бәхтидин айриғанди... Қазыкәң аққудәк көңли ақ хәлиқ, Уйғурға ата бир қандақ-қериндаш. Уларниң чин достлуқ тимсали үчүн – Хантәңри көккә баш тирәп турған таш... Уйғурниң қазаққа һеч ятлиғи йоқ, Иккимиз бир атидин тариғанғу!.. Атилла заманида ағзимизға – Қәшқәрдин та Римғичә қариғанғу!.. Уйғурниң Қазаққа һеч ятлиғи йоқ, Бу күндә қазақчилик шатлиғи йоқ... Разидим: Азатлиқни көрүп өлсәм... Һаятниң Азатлиқтәк татлиғи йоқ! Егемен Қазақ Ели қутлуқ болсун, Қучақлай, бағримға сән бағриңни яқ. Қуллуқниң дәрдиниму мәндәк тарттиң, Биз үчүн йолумизда бол шамчирақ! Егемен Елиң қутлуқ болсун, Қазақ... Абдуғопур ҚУТЛУҚоғли, Хәлиқара қәләмдашлар Уйғур PEN мәркизиниң әзаси.

28 рет

көрсетілді

0

пікір
Алдыңғы мақала «Ата-анам билән «Уйғур авазидин» чәксиз разимән»
Келесі мақала Гезитханға миннәтдарлиқ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы