- Акция
- 06 Наурыз, 2019
Меһриванлиқ мәйрими
Йеқинда Чоң Дехан йезисидики оттура мәктәптә мәзкүр билим дәргаһи коллективиниң уюштуруши билән «Жүрек жылуы» намлиқ хәйрихаһлиқ акцияси өтти.
Мәзкүр чарә-тәдбирни өткүзүштики асасий мәхсәт – яш әвлат арисида меһриванлиқ, достлуқ, һөрмәт чүшәнчилирни қелиплаштуруш, – деди мәктәп психологи Елеусиз Қуланбаев. – Шундақла жутумиздики айрим тәминати начар аилиләргә ярдәм бериш.
Тәкитләш лазимки, акцияни өткүзүш тәшәббусини мәктәп мудири Гүлшат Оңласынова көтәрди. Мәктивимизниң илмий мудири Мадияр Абдрасылов вә устаз Илия Қиясовниң күч чиқириши түпәйли мошу хәйрихаһлиқ акцияни өткүзүш үчүн һаҗәт болған мәбләғ топланди. Әлвәттә, бу ишқа бепәрва қаримай өзлириниң маддий ярдимини көрсәткән жутдашлиримизға миннәтдарлиғимиз чәксиз болди.
Шуниңдин кейин мәктәп оқуғучилири тәрипидин тәйярланған концертлиқ программа көрситилди. Ахирида акция даирисидә айрим тәминати начар аилиләр балилириға аяқ-кийимләр, дәптәр-китаплар тарқитилди.
Толунай Меһирдинова,
10-синип оқуғучиси.
Уйғур наһийәси.
281 рет
көрсетілді0
пікір