• Әхбаратлар еқими
  • 13 Наурыз, 2019

Малийә институтлириниң вәкиллири билән учрашти

Сешәнбә күни Қазақстан Җумһурийитиниң Премьер-министри Асқар Мамин хәлиқара малийә институтлириниң вәкиллири – Азия тәрәққият банкисиниң Қазақстандики вакаләтханисиниң рәһбири Джованни Капанелли, Ислам тәрәққият банкисиниң Қазақстандики Регионал мәркизиниң рәһбири Хишаб Талеб Маруф, Хәлиқара малийә корпорациясиниң Мәркизий Азия бойичә регионлуқ вакаләтханисиниң рәһбири Кассандра Колберт билән учрашти. Учришиш давамида буниңдин кейинки һәмкарлиқниң муһим йөнилишлири вә Қазақстан ихтисадиниң түрлүк секторлирида бирләшкән лайиһиләрни әмәлгә ашуруш мәсилилири муһакимә қилинди. Джованни Капанелли билән болған учришишта иккитәрәплимә өзара һәрикәт, җүмлидин мәмликәтниң турақлиқ тәрәққий етиши мәхситидә Дөләт рәһбири Нурсултан Назарбаев тәшәббус қилған Шериклик тоғрилиқ келишимни әмәлгә ашуруш мәсилилири қаралди. Шундақла 2017 – 2021-жилларға бәлгүләнгән йеңи Шериклик стратегиясини әмәлгә ашуруш, Билим вә тәҗрибә алмаштуруш программисини қоллап-қувәтләш яндишишлири, шәһәр инфрақурулумини, транспорт саһаси вә логистикисини йеңилаш лайиһилири, шундақла бирқатар иҗтимаий тәшәббуслар муһакимә қилинди. – Азия тәрәққият банки Қазақстанниң муһим стратегиялик шериги һесаплинип, мәмликәтни иҗтимаий-ихтисадий йеңилашни әмәлгә ашурушқа салмақлиқ һәссә қошуватиду, – дәп тәкитлиди Премьер-министр. Ислам тәрәққият банкисиниң Қазақстандики Регионлуқ мәркизиниң мудири Хишаб Талеб Маруф билән “Астана” Хәлиқара малийә мәркизи даирисидә йеңи бирләшкән лайиһиләрни әмәлгә ашуруш, шундақла регионлуқ транспорт инфрақурулумини, йеза егилигини, энергетика, сода саһалирини тәрәққий әткүзүштә, озуқ-түлүк бехәтәрлигини тәминләштә өзара һәрикәтни күчәйтиш мәсилилири муһакимә қилинди. Қазақстан — ислам банкинги вә малийә принциплирини җарий қилиш бойичә қанун түзитишлирини қобул қилған илгәрки кеңәш кәңлигидики биринчи мәмликәт болуп һесаплиниду. Ислам тәрәққият банки топиниң президенти доктор Бандар Хаджарниң “Астана” Хәлиқара малийә мәркизини башқуруш кеңишиниң тәркивигә кириши банк вә Қазақстан оттурисидики һәмкарлиқни тәрәққий әткүзүштә муһим қәдәм болди. – Ислам тәрәққият банки вәкилиниң “Астана” Хәлиқара малийә мәркизиниң рәһбирий тәркивидә болуши уни йетәкчи хәлиқара малийә мәркизи сүпитидә тәрәққий әткүзүш үчүн шараит яритишта ярдәм қилиду, – деди Асқар Мамин. Кассандра Колберт билән өткүзүлгән учришишта Дөләт рәһбириниң тәшәббуси билән имзаланған ихтисатни диверцификацияләш бойичә шериклик тоғрилиқ келишимни әмәлгә ашуруш мәсилилири муһакимә қилинди. Тәрәпләр шундақла Қазақстанни тәрәққиятиниң стратегиялик мәхсәтлиригә җавап беридиған шерикликниң 2019 – 2024-жилларға бәлгүләнгән стратегиясиниң лайиһисини муһакимә қилди.

370 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы